త్రివిక్రమ్-అల్లు అర్జున్ కాంబినేషన్ లో తెరకెక్కుతున్న సినిమా 'అల వైకుంఠపురములో'. లాంగ్ గ్యాప్ తరువాత వస్తున్న సినిమా కావడంతో ఈ మూవీపై భారీ అంచనాలే ఉన్నాయి. ఇక ఈ సినిమాతో ఎలాగైన సూపర్ హిట్ కొట్టాలన్న కసితో ఉన్నాడు బన్నీ. ఇక సెన్సార్ కార్యక్రమాలు కూడా పూర్తి చేసుకొని రిలీజ్ కు సిద్ధంగా వుంది. రిలీజ్ డేట్ దగ్గర పడుతుండటంతో ప్రమోషన్ కార్యక్రమాల్లో జోరు పెంచారు. ఇక ఇప్పటివరకూ 'సామజవరగమనా', 'రాములో రాములా', 'ఓ మై డాడీ', బుట్ట బొమ్మ పాటలు రిలీజ్ చేయగా వాటికి మంచి రెస్పాన్స్ వచ్చింది. ఇప్పుడు తాజాగా ఈ సినిమా టైటిల్ ప్రోమో సాంగ్ ను రిలీజ్ చేశారు.
ఈ నెల 6వ తేదీన హైద్రాబాద్ లోని యూసఫ్ గూడాలో ఓ మ్యూజికల్ కాన్సర్ట్ ను నిర్వహించనున్నారు చిత్రయూనిట్. ఈ నేపథ్యంలో టైటిల్ సాంగ్ కు సంభందించి ఒక స్పెషల్ వీడియో ను రిలీజ్ చేశారు చిత్రయూనిట్. ఈ వీడియో ను నిర్మాణ సంస్థ గీతా ఆర్ట్స్ తమ అధికారిక ట్విట్టర్ ఖాతాలో పోస్ట్ చేసింది.
G@GeethaArts
Here's Curtain Raiser for the Most Stylish Sankranthi Ever!! #AVPLMusicalConcert on 6th Jan at Yousufguda Police Grounds, Hyderabad.
కాగా ఈ సినిమాలో మరోసారి పూజా హెగ్డే బన్నీతో జతకట్టనుంది. ఇంకా ఈ సినిమాలో టబు, సత్యరాజ్, రాజేంద్ర ప్రసాద్, సునీల్, నవదీప్, బ్రహ్మాజీ, రావు రమేష్, మురళీ శర్మ తదితరులు కీలక పాత్రల్లో నటిస్తున్నారు. హారిక-హాసిని క్రియేషన్స్, గీతా ఆర్ట్స్ సంస్థలు సంయుక్తంగా నిర్మిస్తున్న ఈ సినిమాకు థమన్ సంగీతం అందిస్తున్నాడు. ఈ సినిమాను 2020 సంక్రాంతికి జనవరి 12వ రిలీజ్ చేయనున్నారు.