`దిల్` రాజు సంస్థలో విజయ్ దేవరకొండ?
Vijay Deverakonda To Act In A Movie In Dil Raju Production
యూత్ ఐకాన్ విజయ్ దేవరకొండ, సక్సెస్ ఫుల్ డైరెక్టర్ శివ నిర్వాణ కాంబినేషన్ లో ఓ చిత్రం రాబోతున్న సంగతి తెలిసిందే. రొమాంటిక్ ఎంటర్ టైనర్ గా తెరకెక్కనున్న ఈ క్రేజీ ప్రాజెక్ట్... ప్రస్తుతం ప్రీ ప్రొడక్షన్ స్టేజ్ లో ఉంది. లేటెస్ట్ బజ్ ఏంటంటే... ఈ సినిమాని ప్రముఖ నిర్మాత `దిల్` రాజు నిర్మిస్తారని తెలిసింది. విజయ్ దేవరకొండతో ఓ చిత్రాన్ని నిర్మించాలని `దిల్` రాజు చాన్నాళ్ళుగా భావిస్తున్నారట. శివ నిర్వాణ కాంబినేషన్ మూవీతో అది కార్యరూపం దాల్చనుందని సమాచారం. త్వరలోనే దీనికి సంబంధించి అధికారిక ప్రకటన వచ్చే అవకాశముందంటున్నారు.
ప్రస్తుతం విజయ్ దేవరకొండ `వరల్డ్ ఫేమస్ లవర్` చిత్రంతో బిజీగా ఉన్నాడు. ఆ తరువాత పూరీ జగన్నాథ్ డైరెక్టోరియల్ `ఫైటర్`, అలాగే మైత్రీ మూవీ మేకర్స్ వారి `హీరో` చేయాల్సి ఉంది. వాటి తరువాతే శివ సినిమా ఉంటుందని ప్రచారం సాగుతోంది.
వీడియోస్
00:14:29


