`ఆర్ ఆర్ ఆర్` కోసం యన్టీఆర్, రామ్ చరణ్ కాంబినేషన్ సాంగ్?
Jr.NTR and Ram Charan To Dance Together For A Special Song In RRR Movie
యంగ్ టైగర్ యన్టీఆర్, మెగా పవర్ స్టార్ రామ్ చరణ్... ఈ ఇద్దరు స్టార్ హీరోలు కూడా నృత్యాలకు పెట్టింది పేరు. అలాంటి ఈ డాన్సింగ్ స్టార్స్ కలసి ఓ సినిమాలో నటిస్తున్నారంటే... ఎవరైనా సరే కాంబినేషన్ డాన్స్ నంబర్ని ఎక్స్ పెక్ట్ చేయడం సహజం. ఈ సంగతి.. చిత్ర రూపకర్త, దర్శకధీరుడు యస్.యస్. రాజమౌళికి కూడా తెలియంది కాదు. అందుకే... తారక్, చరణ్ కాంబినేషన్ లో తెరకెక్కిస్తున్న `ఆర్ ఆర్ ఆర్` కోసం ఓ అదిరిపోయే డాన్స్ నంబర్ని ప్లాన్ చేశాడట జక్కన్న.
ఉత్తరాదిలో అనుకోకుండా కలసిన కొమరం భీమ్ (తారక్), అల్లూరి సీతారామరాజు (చరణ్) మధ్య సందర్భానికి తగ్గట్టు వచ్చే ఈ గీతం... ఇరువర్గాల అభిమానులను అలరించేలా ఉంటుందని టాక్. అంతేకాదు... సినిమాలో వచ్చే ఏకైక కాంబినేషన్ సాంగ్ ఇదేనని వినికిడి. అందుకే... ఈ పాటని అటు ట్యూన్ పరంగా, ఇటు పిక్చరైజేషన్ పరంగా స్పెషల్గా డిజైన్ చేస్తోందట జక్కన్న అండ్ టీమ్. మరి... తారక్, చరణ్ కాంబినేషన్ డాన్స్ నంబర్ వెండితెరపై ఏ స్థాయిలో మెస్మరైజ్ చేస్తుందో తెలియాలంటే... 2020 జూలై 30 వరకు వేచిచూడాల్సిందే.





