అల్లూరి సీతారామరాజు (1897 – 1924), కొమరం భీమ్(1901 – 1940)… అటుఇటుగా ఒకే కాలానికి చెందిన వేర్వేరు ప్రాంతాల తెలుగు పోరాట యోధులు. చరిత్రలో ఈ ఇద్దరూ కలిసినట్లుగా ఎలాంటి ఆధారాలు లేవు. అలాంటి ఈ ఇరువురు ఒకనొక సందర్భంలో తారసపడడమే కాకుండా… ఒకరి పోరాటానికి మరొకరు స్ఫూర్తిగా నిలిస్తే ఎలా ఉంటుంది? అనే ఆసక్తికరమైన పాయింట్తో తెరకెక్కుతున్న చిత్రం `ఆర్ ఆర్ ఆర్`. వాస్తవ పాత్రలు, కల్పిత ఘట్టాలతో రూపొందుతున్న ఈ పేట్రియాటిక్ డ్రామాలో కొమరం భీమ్గా యంగ్ టైగర్ యన్టీఆర్, అల్లూరిగా మెగా పవర్ స్టార్ రామ్ చరణ్ దర్శనమివ్వనుండగా… దర్శకధీరుడు రాజమౌళి దృశ్యరూపమిస్తున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఇదిలా ఉంటే.. `ఆర్ ఆర్ ఆర్`లో ఇంట్రెస్టింగ్ పాయింట్ ఏదైనా ఉందంటే .. అది అల్లూరి, కొమరం ఫస్ట్ మీటింగ్ సీన్ అనే చెప్పాలి. దీన్ని జక్కన్న వీరోచితంగా డిజైన్ చేశారని టాక్.
ఆపదలో చిక్కుకున్న ఓ చిన్న పాపని కొమరం భీమ్ పాత్రధారి తారక్ రక్షించడం… అది చూసి అల్లూరి పాత్రధారి చరణ్ ఇంప్రెస్ అవడం… ఆపై ఒకరి స్ఫూర్తితో మరొకరు పోరుబాటలో పయనించడం… ఇలాంటి ఆసక్తికరమైన దృశ్యాలతో `ఆర్ ఆర్ ఆర్` కథానాయకుల ఫస్ట్ కాంబినేషన్ సీన్ ఉంటుందని ప్రచారం సాగుతోంది. అయితే, ఇందులో నిజమెంతో తెలియాలంటే మాత్రం… విడుదల తేది అయిన 2020 జూలై 30 వరకు వేచిచూడాల్సిందే.
దాదాపు రూ.350 కోట్ల భారీ బడ్జెట్తో డీవీవీ దానయ్య నిర్మిస్తున్న ఈ క్రేజీ ప్రాజెక్ట్ లో చరణ్కు జోడీగా అలియా భట్ నటిస్తుండగా… బాలీవుడ్ నటుడు అజయ్ దేవగణ్, తమిళ దర్శకనటుడు సముద్రఖని కీలక పాత్రలు పోషిస్తున్నారు.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: