92కోట్ల వసూళ్లతో మా ఇంటి బంగారం సరికొత్త రికార్డు
Maa Inti Bangaaram Creates a New Record with ₹92 Crore Collections

స్టార్ హీరోయిన్ సమంత ప్రధాన పాత్రలో నటించిన లేటెస్ట్ ఫ్యామిలీ ఎంటర్టైనర్ ‘మా ఇంటి బంగారం’ బాక్సాఫీస్ వద్ద సాలిడ్ వసూళ్లను రాబట్టుకుంటూ దూసుకుపోతుంది. మూడో వారాంతంలో (థర్డ్ వీకెండ్) కూడా ఈ చిత్రం థియేటర్లలో భారీ బుకింగ్స్తో పటిష్టమైన వసూళ్లను సాధిస్తోంది. మేకర్స్ ప్రకటించిన అధికారిక సమాచారం ప్రకారం ఈ సినిమా నిన్నటి వరకు ప్రపంచవ్యాప్తంగా 92 కోట్ల రూపాయల గ్రాస్ వసూళ్లను సాధించి 100 కోట్ల క్లబ్కు చేరువలో ఉంది. టాలీవుడ్ సినీ చరిత్రలోనే అత్యధిక వసూళ్లు సాధించిన ‘బిగ్గెస్ట్ ఎవర్ ఫిమేల్ ఓరియెంటెడ్’ చిత్రంగా ‘మా ఇంటి బంగారం’ సరికొత్త రికార్డును నెలకొల్పడం విశేషం.
ట్రలాలా పిక్చర్స్ బ్యానర్పై ప్రముఖ నిర్మాతలు రాజ్ అండ్ డికె (రాజ్ నిడిమోరు, కృష్ణ డి.కె) సమర్పణలో, ప్రతిభావంతురాలైన మహిళా దర్శకురాలు నందినీ రెడ్డి ఈ చిత్రాన్ని అద్భుతమైన ఎమోషన్స్తో తెరకెక్కించారు.
ఈ సినిమాలో సమంత అద్భుతమైన నటనతో ప్రేక్షకులను కట్టిపడేయగా, ఆమెతో పాటు గుల్షన్ దేవయ్య, దిగంత్ మంచాలే, సీనియర్ నటి గౌతమి, శ్రీముఖి కీలక పాత్రల్లో మెరిశారు. సంతోష్ నారాయణన్ అందించిన మ్యూజిక్, ఓమ్ ప్రకాష్ సినిమాటోగ్రఫీ ఈ సినిమాకు ప్రధాన ఆకర్షణగా నిలిచాయి. కుటుంబ ప్రేక్షకులు బ్రహ్మరథం పడుతుండటంతో, మూడో వారంలోనూ ఈ చిత్రం హౌస్ఫుల్ కలెక్షన్లతో దూసుకుపోతోంది.







