గోపీచంద్ విశ్వం టీజర్ రిలీజ్ డేట్ ఫిక్స్
Macho Star Gopichand and Sreenu Vaitla’s Combo Viswam Teaser Release Date Fixed

మాచో స్టార్ గోపీచంద్ హీరోగా ప్రముఖ దర్శకుడు శ్రీను వైట్ల దర్శకత్వంలో రూపుదిద్దుకుంటోన్న తాజా చిత్రం 'విశ్వం'. ఈ క్రేజీ కాంబో నుంచి ఈద్ సందర్భంగా విడుదల చేసిన ఫస్ట్ స్ట్రైక్ వీడియో ఆడియెన్స్ కి మాస్ ఫీస్ట్ని అందించింది. గోపీచంద్ 32వ చిత్రంగా తెరకెక్కుతోన్న ఈ సినిమాను చిత్రాలయం స్టూడియోస్ బ్యానర్పై వేణు దోనేపూడి నిర్మిస్తుండగా.. రీసెంట్గా పీపుల్ మీడియా ఫ్యాక్టరీ సంస్థ నిర్మాత టీజీ విశ్వప్రసాద్ నిర్మాణ భాగస్వామిగా చేరిన విషయం తెలిసిందే.
శ్రీను వైట్ల కెరీర్లోని ఎన్నో బ్లాక్బస్టర్స్లో భాగస్వామ్యం ఉన్న స్క్రీన్ రైటర్ గోపీ మోహన్ ఈ సినిమాకు స్క్రీన్ప్లే అందిస్తున్నారు. కాగా ఈ చిత్రంలో గోపీచంద్ మాసీ లుక్ లో కనిపించనున్నారు. ఈ నేపథ్యంలో విశ్వం సినిమా నుంచి ఓ సాలిడ్ అప్డేట్ అందింది. ఈ మూవీ టీజర్ మంగళవారం విడుదల కానుంది. రేపు సాయంత్రం గం.4:05 ని.లకు రిలీజ్ అవనుంది. ఈ మేరకు మేకర్స్ సోషల్ మీడియాలో తెలియజేశారు.







