బ్యాక్ టు బ్యాక్ సినిమాల తరువాత మెగాస్టార్ చిరంజీవి చేస్తున్న సినిమా భోళాశంకర్. వరుస హిట్ల తరువాత మెగాస్టార్ చిరంజీవి చేస్తున్న సినిమా కాబట్టి ఈసినిమాపై కూడా భారీ అంచనాలు ఉన్నాయి. మెహర్ రమేష్ దర్శకత్వంలో ఈసినిమా వస్తుండగా.. ఈసినిమాతో ఎలాగైనా హిట్ కొట్టాలని చూస్తున్నాడు. ఈసినిమా వేదాళం సినిమాకు రీమేక్గా ఈ సినిమాను తీస్తోన్న సంగతి తెలిసిందే. అజిత్ వేసిన పాత్రను ఇక్కడ చిరంజీవి చేస్తున్నాడు. ఈసినిమా షూటింగ్ ను ఎప్పుడో మొదలుపెట్టి కొంతవరకూ షూటింగ్ ను ముగించుకుంది.
ఇక తాజా సమాచారం ప్రకారం ప్రస్తుతం ఈసినిమా హైదరాబాద్లో కోల్కతా బ్యాక్డ్రాప్ సెట్లో షూటింగ్ జరుపుకుంటుంది. అక్కడ చిరంజీవితో పాటు 200 మంది డ్యాన్సర్లు పాల్గొంటున్న ఓ సాంగ్ షూట్ జరుగుతోంది. ఈ పాటను భారీ స్థాయిలో చిత్రీకరిస్తున్నారు మేకర్స్. ఈ పాటకు కొరియోగ్రఫీని శేఖర్ మాస్టర్ చేస్తుండగా, మహతి స్వర సాగర్ సంగీతం అందిస్తున్నాడు. ఇదిలా ఉండగా తాజాగా ఈసినిమాపై మరో అప్ డేట్ ఇచ్చారు నిర్మాత అనిల్ సుంకర. ఈ సినిమాలోని ఒక పాటను లిరిసిస్ట్ కాసర్ల్ శ్యామ్ రాస్తుండగా.. ఆయన తన ట్విట్టర్ లో ఈపాటపై స్పందిస్తూ తన చిరకాల కోరకి తీరబోతుందని తెలియచేశారు. ఇక దీనికి నిర్మాత అనిల్ సుంకర రిప్లై ఇస్తూ.. ఈపాట ఈసినిమాకు బెస్ట్ గా నిలుస్తుందని చెప్పాడు.
A@AnilSunkara1
This song will be for sure one of the best Shyam garu.👍👍👍👍👍 https://t.co/Vk0iBeGKWV