రిలీజ్ అయిన జైలర్ మూవీ జాకీ ష్రాఫ్ ఫస్ట్ లుక్
Jackie Shroff First Look from Jailer Movie out now

సన్ పిక్చర్స్ బ్యానర్ పై సూపర్ హిట్ డాక్టర్, బీస్ట్ మూవీస్ ఫేమ్ నెల్సన్ దిలీప్కుమార్ దర్శకత్వంలో రజనీకాంత్ హీరోగా తెరకెక్కుతున్న మాస్ యాక్షన్ ఎంటర్టైనర్ జైలర్ తమిళ మూవీ, తెలుగు డబ్బింగ్ వెర్షన్ 2023 ఏప్రిల్ 14 వ తేదీ రిలీజ్ కానున్నాయి. జైలర్ మూవీలో సునీల్ విలన్ గా నటిస్తుండగా రమ్యకృష్ణ, కన్నడ స్టార్ హీరో శివరాజ్ కుమార్, బాలీవుడ్ నటుడు జాకీ ష్రాఫ్ కీలక పాత్రల్లో నటిస్తుండగా మలయాళ సూపర్ స్టార్ మోహన్ లాల్ అతిధి పాత్రలో నటిస్తున్నారు. అనిరుధ్ రవిచందర్ సంగీతం అందిస్తున్నారు.
హీరో రజనీకాంత్ డ్యూయల్ షేడ్స్ ఉన్న క్యారెక్టర్లో నటిస్తున్న ఈ మూవీని రెండు భాషల్లో భారీ ఎత్తున రిలీజ్ చేసేందుకు నిర్మాణ సంస్థ సన్ పిక్చర్స్ ప్లాన్ చేస్తోంది. జైలర్ చిత్ర యూనిట్ రిలీజ్ చేసిన పోస్టర్స్ ప్రేక్షకులను ఆకట్టుకున్నాయి. తాజాగా చిత్ర యూనిట్ జాకీ ష్రాఫ్ ఫస్ట్ లుక్ పోస్టర్ ను రిలీజ్ చేసింది. డిఫరెంట్ గెటప్ లో ఉన్న ఆ పోస్టర్ ఆసక్తికరంగా ఉండి ప్రేక్షకులను ఆకట్టుకుంది. జైలర్ మూవీకై తమిళ ప్రేక్షకులతో పాటు తెలుగు ప్రేక్షకులు కూడా ఆసక్తితో ఎదురుచూస్తున్నారు.








