సూపర్ స్టార్ మహేష్ బాబు సాంగ్ కు సితార డ్యాన్స్
Mahesh Babu daughter Sitara dances to Pillagali Allari song from Athadu Movie

సూపర్ స్టార్ మహేష్ బాబు తనయ సితారకు ఇప్పటికే సోషల్ మీడియాలో భారీ ఫాలోయింగ్ ఉంది. స్టార్ కిడ్ సితార ఇంట్రెస్టింగ్ రీల్స్, పోస్టులతోనూ ఆకట్టుకుంటున్న విషయం తెలిసిందే. సోషల్ మీడియాలోనూ తనకంటూ ప్రత్యేక గుర్తింపు ఉన్న సితార చదువు, డాన్స్, ఆటల్లోనూ చాలా యాక్టివ్ గా ఉంటారు. మహేష్ బాబు నటించిన పలు సినిమా పాటలను అద్భుతంగా డ్యాన్స్ పెర్ఫార్మ్ చేసి, సోషల్ మీడియాలో షేర్ చేస్తూ అభిమానులను ఆకట్టుకుంటున్నారు. మహేశ్ బాబుతో కలిసి సర్కారు వారి పాట మూవీలో పెన్నీ సాంగ్ కు అదిరిపోయేలా స్టెప్పులేసి ప్రేక్షకులను అలరించారు.
సితార తాజాగా త్రివిక్రమ్ శ్రీనివాస్ దర్శకత్వంలో మహేష్ బాబు హీరోగా తెరకెక్కిన అతడు మూవీలోని పిల్లగాలి అల్లరి సాంగ్ కు అద్భుతంగా పెర్ఫార్మ్ చేసి తన తండ్రి మహేష్ బాబు ప్రశంసలు అందుకున్నారు. మహేష్ బాబు సితారను అభినందిస్తూ ఆ డ్యాన్స్ వీడియోను నీ కళ్లల్లో ఉన్న ఆనందాన్ని చూస్తుంటే నాకు కూడా డాన్స్ చేయాలనిపిస్తోంది అన్న క్యాప్షన్ తో సోషల్ మీడియాలో షేర్ చేయగా అభిమానులను ఆకట్టుకుని ఆ డ్యాన్స్ వీడియో వైరల్ గా మారింది.







