11 రోజుల్లో బ్రేక్ ఈవెన్ సాధించిన అజిత్ తెగింపు తమిళ వెర్షన్ తునివు
Ajith Thunivu 12 Days Collections Worldwide

జీ స్టూడియోస్ , బేవ్యూ ప్రాజెక్ట్స్ ఎల్ ఎల్ పి బ్యానర్స్ పై సూపర్ హిట్ తీరన్ అధికారం ఒండ్రు మూవీ ఫేమ్ హెచ్ .వినోద్ దర్శకత్వంలో అజిత్ హీరోగా తెరకెక్కిన నెర్కొండ పార్వై, సేమ్ కాంబినేషన్ లో తెరకెక్కిన వాలిమై తమిళ మూవీస్ ఘనవిజయం సాధించిన విషయం తెలిసిందే. సూపర్ హిట్ కాంబినేషన్ లో హ్యాట్రిక్ మూవీ గా తెరకెక్కిన యాక్షన్ అడ్వెంచర్ తునివు తమిళ మూవీ , తెలుగు డబ్బింగ్ వెర్షన్ తెగింపు మూవీ 2023 జనవరి 11 వ తేదీ సంక్రాంతి కానుకగా రిలీజ్అయ్యాయి. ఈ మూవీ లో మంజు వారియర్ కథానాయిక కాగా సముద్రఖని ముఖ్య పాత్రలో నటించారు. ఈ మూవీకి గిబ్రాన్ సంగీతం అందించారు.
ఈ మూవీలో డార్క్ డెవిల్ గా అజిత్ కుమార్ అద్భుతంగా పెర్ఫార్మ్ చేసి సినిమాకే హైలెట్ గా నిలిచారు. తెలుగులో ఓ మోస్తరుగా ఆడుతున్న తెగింపు మూవీ తమిళ వెర్షన్ తునివు ఘనవిజయం సాధించి భారీ కలెక్షన్స్ రాబడుతుంది. ప్రపంచవ్యాప్తంగా ఈ మూవీ 170.08 కోట్ల గ్రాస్ ( రూ. 88.25 కోట్ల షేర్) రాబట్టింది. 11వ రోజు ఈ సినిమా బ్రేక్ ఈవెన్ పూర్తి చేసుకుని హిట్ స్టేటస్ అందుకుంది. 85 కోట్ల ప్రీ రిలీజ్ బిజినెస్ చేసిన ఈ సినిమా రూ. 3.25 కోట్ల ప్రాఫిట్ తో దూసుకుపోతోంది.








