పల్నాటి సూర్య ప్రతాప్ దర్శకత్వంలో నిఖిల్ హీరోగా వస్తున్న సినిమా 18 పేజెస్. నిజానికి ఈసినిమా షూటింగ్ కార్తికేయ2 సినిమా కంటే ముందే మొదలైంది. అయితే ముందు కార్తికేయ 2 సినిమా కంప్లీట్ అవ్వడం.. బ్లాక్ బస్టర్ హిట్ కొట్టడం జరిగిపోయాయి. దీంతో ఇప్పుడు నిఖిల్ 18 పేజెస్ సినిమాను రిలీజ్ కు సిద్దం చేస్తున్నాడు. ప్రస్తుతం అయితే చిత్రయూనిట్ పెండింగ్ లో ఉన్న షూటింగ్ ను పూర్తి చేసే పనిలో ఉన్నారు. ఇక మరోవైపు ఈసినిమా ప్రమోషన్ కార్యక్రమాలు మొదలుపెట్టారు చిత్రయూనిట్. ఇప్పటికే నన్నయ్య రాసిన అనే పాటను రిలీజ్ చేశారు. కోలీవుడ్ స్టార్ హీరో శింబు పాడిన టైం ఇవ్వు పిల్లా పాటను డిసెంబర్ 5వ తేదీన రిలీజ్ చేయనున్నారు.
తాజా సమాచారం ఈసినిమా షూటింగ్ కు సంబంధించిన అప్ డేట్ ఇచ్చారు మేకర్స్. అందుకు సంబంధించిన ఒక వీడియో ను చిత్ర యూనిట్ విడుదల చేసింది. నైట్ షూట్ మోడ్ ఆన్.. ఎలాంటి బ్రేకులు లేకుండా.. హైదరాబాద్ లో షూటింగ్ జరుగుతుంది అన్నట్టు వీడియోలో తెలిపారు. ఈ వీడియో కొద్ది సేపటికే సోషల్ మీడియాలో వైరల్ గా మారింది.
v@vamsikaka
Night Shoot Mode ON! 🎥🎬#18Pages Night Shoot Without Break Going in Hyderabad 🔥
కాగా ఈసినిమాలో అనుపమ పరమేశ్వరన్ హీరోయిన్ గా నటిస్తుంది. ఇక సుకుమార్ ఈ చిత్రానికి కథ- స్క్రీన్ ప్లే అందించడంతో పాటు నిర్మాణ భాగస్వామిగా వ్యవహరిస్తున్నారు. సుకుమార్, గీతా ఆర్ట్స్ 2 సంయుక్తంగా ఈ సినిమాను నిర్మిస్తుండగా.. గోపీ సుందర్ సంగీతం అందిస్తున్నాడు. ఈ చిత్రాన్ని డిసెంబర్ 23, 2022 న వరల్డ్ వైడ్ గా థియేటర్ల లో విడుదల చేసేందుకు చిత్ర యూనిట్ సన్నాహాలు చేస్తుంది.