మెగా ఫ్యాన్స్ ఆసక్తిగా ఎదురుచూసిన సినిమాల్లో చిరంజీవి నటించిన గాడ్ ఫాదర్ రీసెంట్ గా రిలీజ్ అయి మంచి హిట్ కొట్టిన సంగతి తెలిసిందే కదా. ఇక ఇప్పుడు మెగా ఫ్యాన్స్ ఆసక్తిగా ఎదురుచూస్తున్న సినిమాల్లో బాబి దర్శకత్వంలో వస్తున్న సినిమా ఒకటి. ఈసినిమా ప్రస్తుతం షూటింగ్ ను జరుపుకుంటుంది. అయితే ఈసినిమా నుండి ఇప్పటివరకూ ఎలాంటి అప్ డేట్ లేదు. ఇంతవరకూ టైటిల్ కూడా రిలీజ్ చేయలేదు. దీంతో ఎప్పటి నుంచో ఈ చిత్ర టైటిల్ కోసం ఎదురుచూస్తున్న విషయం తెలిసిందే.
ఇక ఇన్ని రోజుల నుండి ఈసినిమా టైటిల్ టీజర్ ను దీపావళి సందర్భంగా రిలీజ్ చేస్తున్నట్టు వార్తలు వస్తున్న సంగతి తెలిసిందే కదా. తాజాగా ఇది కన్ఫామ్ చేస్తూ అధికారికంగా ప్రకటించారు మేకర్స్. దీపావళి కానుకగా మెగా అభిమానులకు ‘మెగా 154’ నుంచి టైటిల్ టీజర్ ను లాంచ్ చేయనున్నట్టు ప్రకటించారు. అక్టోబర్ 24న ఉదయం 11.07 గంటలకు టీజర్ ను రిలీజ్ చేయనున్నట్టు తెలిపారు.
కాగా ఈ సినిమాలో చిరంజీవి సరసన శృతి హాసన్ హీరోయిన్గా నటిస్తోంది. మాస్ మహారాజా రవితేజ ఈ సినిమాలో పవర్ ఫుల్ పాత్రలో నటిస్తున్నాడు. ఈసినిమాను బాబి మాస్ ఎంటర్ టైనర్ గా తెరకెక్కించబోతున్నాడు. ఈసినిమాను మైత్రీ మూవీ మేకర్స్ వారు నిర్మిస్తున్నారు. ఈ సినిమాకు దేవీ శ్రీ ప్రసాద్ సంగీతాన్ని అందిస్తున్నాడు. ఈ సినిమాను 2023 సంక్రాంతికి విడుదల చేయడానికి ప్లాన్ చేస్తున్నారు.