ప్రస్తుతం టాలీవుడ్ లో ఫామ్ లో ఉన్న కుర్ర హీరోల్లో కిరణ్ అబ్బవరం కూడా ఒకరు. ఇప్పటికి కిరణ్ సినిమాలు రిలీజ్ అయింది రెండు సినిమాలు మాత్రమే కానీ వరుస అవకాశాలు.. పెద్ద పెద్ద బ్యానర్స్ లో అవకాశాలు దక్కించుకుంటున్నాడు. ఇక కిరణ్ లిస్ట్ లోచాలా సినిమాలు ఉండగా అందులో సెబాస్టియన్ పీసీ 524 సినిమా కూడా ఒకటి. కిరణ్ అబ్బవరం మొదటిసారి ఈ సినిమాలో పోలీస్ గా నటిస్తున్నాడు. ఈసినిమా ఫిబ్రవరి 25న రిలీజ్ చేయనున్న నేపథ్యంలో ఇప్పటికే ఈసినిమా ప్రమోషన్ కార్యక్రమాలు మొదలుపెట్టారు మేకర్స్.
ఇక తాజాగా “సెబాస్టియన్ పీసీ 524” టీజర్ ను విడుదల చేశారు మేకర్స్. టీజర్ చూస్తుంటే సినిమా మంచి కామెడీ ఎంటర్ టైనర్ అనిపిస్తుంది. టీజర్ ను బట్టి రేచీకటితో బాధపడే సెబాస్టియన్ అనే కానిస్టేబుల్ గా నటిస్తున్నట్టు తెలుస్తుంది. నైట్ బ్లైండ్ నెస్ తో బాధపడుతున్న హీరో ఎదుర్కొనే సమస్యలు, వాటి చుట్టూ కథ సాగుతుంది. శ్రీకాంత్ అయ్యంగార్, కిరణ్ కాంబినేషన్ బాగా వర్కవుట్ అయ్యేలా ఉంది. ఇక హీరో హీరోయిన్ మధ్య వచ్చే సన్నివేశాలు కూడా ఆకట్టుకునేలా ఉన్నాయి. మొత్తానికి టీజర్ మాత్రం సినిమాపై ఆసక్తికని పెంచుతుంది.
K@Kiran_Abbavaram
Thank youu all ❤️https://t.co/xXpZexcQRs#SebastianTeaser