రీసెంట్ గానే ఎనిమి సినిమాతో అలరించిన విశాల్ ఇప్పుడు మరో సినిమాను రిలీజ్ కు సిద్దం చేసేస్తున్నాడు. శరవణన్ దర్శకత్వంలో విశాల్ హీరోగా సామాన్యుడు సినిమా వస్తున్న సంగతి తెలిసిందే కదా. ఇంటెన్స్ యాక్షన్ డ్రామా నేపథ్యంలో ఈసినిమా తెరకెక్కుతుంది. ఇప్పటికే ఈ సినిమాకు సంబంధించిన ఫస్ట్ లుక్, సెకండ్ లుక్ , లిరికల్ వీడియోను విడుదల చేశారు మేకర్స్. వాటికి మంచి రెస్పాన్సే వచ్చింది. ఇక ఈసినిమా తాజాగా రిలీజ్ డేట్ ను ఫిక్స్ చేసుకుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
నిజానికి ఈసినిమాను రిపబ్లిక్ డే సందర్భంగా రిలీజ్ చేయాలని అనుకున్నారు. అంతేకాదు జనవరి 26న రిలీజ్ చేస్తున్నట్టు అధికారికంగా ప్రకటించారు కూడా. కానీ సంక్రాంతికి పెద్ద సినిమాలు వాయిదా పడడంతో సామాన్యుడు ని కూడా సంక్రాంతి రేసులో దించాలని నిర్ణయించుకున్నారు మేకర్స్. ఈ మేరకు జనవరి 14 న ఈ సినిమా రిలీజ్ చేస్తున్నట్లు కొత్త పోస్టర్ ద్వారా తెలిపారు.
కాగా ఈసినిమాలో డింపుల్ హయతి హీరోయిన్గా నటిస్తుండగా యోగి బాబు, బాబురాజ్ జాకబ్, పిఎ తులసి, రవీనా రవి కీలక పాత్రల్లో నటిస్తున్నారు. ఈసినిమాకు యువన్ శంకర్ రాజా సంగీతం అందిస్తుండగా..కవిన్ రాజ్ సినిమాటోగ్రాఫర్ గా పనిచేయనున్నారు. విశాల్ ఫిల్మ్ ఫ్యాక్టరీ పతాకంపై ఈ సినిమాను నిర్మిస్తున్నారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: