కరోనా సెకండ్ వేవ్ టాలీవుడ్ ను మ‌రోసారి షేక్ చేస్తోంది. కరోనా కేసులు పెరుగుతున్న నేప‌థ్యంలో ఇప్పటికే సినిమా విడుద‌ల తేదీలు మార్చేసుకున్నారు ద‌ర్శ‌క‌నిర్మాత‌లు. షూటింగ్స్ కూడా ర‌ద్దు చేసుకుంటున్నారు. ఇక ఇప్పుడు రవితేజ సినిమాపై కరోనా ఎఫెక్ట్ పడింది. ప్రస్తుతం రవితేజ రమేష్ వర్మ దర్శకత్వంలో ఖిలాడి సినిమా చేస్తున్న సంగతి తెలిసిందే. అయితే డైరెక్టర్ రమేష్ వర్మకు కరోనా పాజిటివ్ అని నిర్థారణ అయింది. ఈ విష‌యాన్ని ఆయ‌న త‌న సోష‌ల్ మీడియా ద్వారా తెలియ‌జేశారు. కరోనా పాజిటివ్ అని నిర్ధారణ అయిన వెంటనే క్వారంటైన్‌లో ఉండి చికిత్స తీసుకుంటున్నాను. అంద‌రు మాస్క్ ధ‌రించాలి. అత్య‌వ‌స‌రాల‌కు మిన‌హాయించి బ‌య‌ట తిర‌గ‌డం మానేయాలంటూ ప్ర‌శాంత్ వర్మ త‌న పోస్ట్‌లో పేర్కొన్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
Hello everyone ,
I have tested positive for #Covid19 and quarantined myself as a part of a safeguard measure.Please wear the mask and try not to go out unnecessarily! Stay safe guys, love you all.
— Ramesh Varma (@DirRameshVarma) April 19, 2021
కాగా యాక్షన్ ఎంటర్‌టైనర్‌గా తెరకెక్కనున్న ఈ సినిమాలో రవితేజ డ్యూయల్‌ రోల్‌ చేస్తున్నట్టు తెలుస్తుంది. ఇంకా ఈ చిత్రంలో మీనాక్షి చౌదరి, డింపుల్‌ హయతి హీరోయిన్లుగా నటిస్తుండగా యాక్షన్ కింగ్ అర్జున్.. మలయాళ హీరో ఉన్ని ముకుందన్ కీలక పాత్రల్లో నటిస్తున్నారు. ఏ స్టూడియోస్‌, పెన్‌ స్టూడియోస్‌ పతాకాలపై జయంతీలాల్‌ గద సమర్పణలో కోనేరు సత్యనారాయణ నిర్మిస్తున్నారు. ఈ చిత్రానికి దేవిశ్రీ ప్రసాద్‌ సంగీతం అందిస్తుండగా.. ‘లూసిఫ‌ర్’ ఫేమ్ సుజిత్‌ వాసుదేవ్ సినిమాటోగ్రఫీ అందిస్తున్నాడు. ఇప్పటికే సగానికి పైగా షూటింగ్ ను పూర్తి చేసుకున్న ఈసినిమాను మే 28న విడుద‌ల చేసేందుకు మేక‌ర్స్ ప్లాన్ చేస్తున్నారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
