సంపూర్ణేష్ బాబు ‘బజార్ రౌడీ’ టీజర్ రిలీజ్
Sampoornesh Babu Bazaar Rowdy Movie Teaser Is Out

“హృదయ కాలేయం” అనే ఒక్క మూవీతో టాలీవుడ్ లో ఒక్కసారిగా టాక్ ఆఫ్ ద టౌన్ అయి.. ఆ తరువాత పలు అవకాశాలను అందిపుచ్చుకున్న నటుడు సంపూర్ణేష్ బాబు. హీరో కు కావాల్సిన ఫిజిక్, బాండీ లాంగ్వేజ్ లేకపోయినా కూడా... తన సీరియస్ నటనతోనే అందరినీ కడుపుబ్బా నవ్వించి ఎంతో మంది అభిమానులను సొంతం చేసుకున్నాడు. హాయిగా నవ్వుకోడానికైనా సంపూ సినిమాకు వెళతారు ప్రేక్షకులు. 'హృదయ కాలేయం' తరువాత ‘సింగం 123’, కొబ్బరిమట్ట సినిమాలు విడుదల చేసిన సంపూ.. ఆతరువాత పలు సినిమాల్లో కమెడియన్, అతిథి పాత్రల్లో కూడా కనిపించారు.
ఇక ఇప్పుడు మరో సినిమాతో ప్రేక్షకుల ముందుకు రానున్నాడు. వసంత నాగేశ్వరావు దర్శకత్వంలో సంపూ ’బజార్ రౌడీ’ అనే సినిమా చేస్తున్నాడు. ప్రస్తుతం ఈసినిమా షూటింగ్ దశలో ఉంది. ఇక తాజాగా ఈ సినిమాకు సంబంధించిన టీజర్ విడుదల చేసారు. ఈ టీజర్లో మరోసారి సంపూర్ణేష్ బాబు తన మార్క్ చూపించాడు. రౌడీయిజం చేయాలంటే జీపు, అందులో పెట్రోలు, అందులో రౌడీలు కాదురా.. దమ్ము .. దమ్ము కావాలిరా అంటూ చెలరేగిపోయాడు.
ఇంకా ఈ సినిమాలో ఇతర ముఖ్యపాత్రల్లో షాయాజీ షిండే, నాగినీడు, 30 ఇయర్స్ పృథ్వీ, కత్తి మహేష్ నటించారు. ఈ సినిమాను ఈ సమ్మర్లో విడుదల చేయాలనే ఆలోచనలో ఉన్నారు చిత్రయూనిట్.







