కార్తీక్ సాయి ‘సైకో’ టీజర్ రిలీజ్

చిన్నా దర్శకత్వంలో కార్తీక్ సాయి, డాలీషా, నేహా దేశ్ పాండే హీరో హీరోయిన్లుగా తెరకెక్కిన చిత్రం ”సైకో”. సస్పెన్స్ థ్రిల్లర్ గా తెరకెక్కుతున్న ఈ సినిమా ప్రస్తుతం పోస్ట్ ప్రొడక్షన్ పనులు జరుపుకుంటుంది. ఇక తాజాగా ఈ సినిమా టీజర్ ను రిలీజ్ చేశారు చిత్రయూనిట్. ప్రముఖ నిర్మాత బెల్లంకొండ సురేష్ టీజర్ ను విడుదల చేసారు. ఈ కార్యక్రమంలో అల్లుడు అదుర్స్ సినిమా నిర్మాతలు గొర్రెల సుబ్రమణ్యం, గంజి రమేష్, సురేష్ కొండేటి లతో పాటు చిత్ర యూనిట్ సభ్యులు పాల్గొన్నారు.

ఇక ఈ సందర్భంగా బెల్లంకొండ సురేష్ మాట్లాడుతూ .. మా కార్తీక్ హీరోగా పరిచయం అవుతున్న ఈ సినిమా టీజర్ చాలా ఇంట్రెస్టింగ్ గా ఉంది. ఫస్ట్ ఇలాంటి ఫీలింగ్ క్రియేట్ చేయగలిగితే తప్పకుండా సక్సెస్ అవుతుంది. ఏదైనా కొత్తగా చేయాలన్న తపన ఉన్నట్టు కనిపిస్తుంది. కొత్తగా ఉంటేనే ఎవరైనా అంగీకరిస్తారు. ఈ కరోనా సమయంలో ఈ సినిమా టీజర్ లాంచ్ వేడుక ఇంత గ్రాండ్ గా చేయడం నిజంగా గొప్ప విషయం. తప్పకుండా ఈ సినిమా సక్సెస్ అయి, నిర్మాతలకు బాగా డబ్బులు రావాలి, హీరోగా కార్తీక్ కూడా మరిన్ని సినిమాలు చేయాలని కోరుకుంటున్నాను అన్నారు.

కాగా శ్రీమతి లావణ్య సమర్పణలో యాదవ్ ప్రొడక్షన్ హౌస్ బ్యానర్ పై ఆవుల రాజు, సంకినేని వాసుదేవ రావు నిర్మిస్తున్న ఈ సినిమాకు సినిమాటోగ్రాఫర్ గా ఆర్యన్, మ్యూజిక్ డైరెక్టర్ గా సిద్దార్ వాట్కిన్ పనిచేస్తున్నారు. సీవిఎల్ నరసింహ, సంధ్య తదితరులు ఇతర పాత్రలు పోషిస్తున్నారు.

[subscribe]