"ఎంత మంచివాడవురా !" ప్రీ రిలీజ్ ఈవెంట్ కు ముఖ్య అతిథి
This Star Hero Graces As Chief Guest To Entha Manchivaadavuraa Pre Release Event

శ్రీదేవి మూవీస్ సమర్పణలో ఆదిత్య మ్యూజిక్ ప్రైవేట్ లిమిటెడ్ బ్యానర్ పై కుటుంబ కథా చిత్ర దర్శకుడు సతీష్ వేగేశ్న దర్శకత్వంలో నందమూరి కళ్యాణ్ రామ్ హీరోగా గ్రామీణ నేపథ్యంలో రూపొందిన యాక్షన్ ఎంటర్ టైనర్ " ఎంత మంచివాడవురా !" మూవీ సంక్రాంతి కానుకగా జనవరి 15 వ తేదీ రిలీజ్ కానుంది. మెహరీన్ కథానాయిక. శరత్ బాబు, విజయ్ కుమార్, వెన్నెల కిషోర్ ముఖ్య పాత్రలలో నటించారు. గోపిసుందర్ సంగీతం అందించారు.
హీరో కళ్యాణ్ రామ్ 17 వ మూవీ గా రూపొందిన " ఎంత మంచివాడవురా !" మూవీ టైటిల్, ఫస్ట్ లుక్, టీజర్ ప్రేక్షకులను విశేషంగా ఆకట్టుకున్నాయి. మూవీ ప్రమోషన్స్ లో భాగంగా జనవరి 8వ తేదీ ప్రీ రిలీజ్ ఈవెంట్ ను చిత్ర యూనిట్ ప్లాన్ చేసింది. జె ఆర్ సి కన్వెన్షన్ సెంటర్ , హైదరాబాద్ లో జరిగే ప్రీ రిలీజ్ ఈవెంట్ కు యంగ్ టైగర్ జూనియర్ ఎన్టీఆర్ ముఖ్య అతిథి గా పాల్గొంటారు. "118 " మూవీ విజయం తరువాత కళ్యాణ్ రామ్ హీరోగా నటించిన " ఎంత మంచివాడవురా !" మూవీ పై భారీ అంచనాలు నెలకొన్నాయి.






