`అర్జున్ సురవరం`కి అచ్చొచ్చిన సెంటిమెంట్స్
Arjun Suravaram Movie Has Got Lucky Mascots
ఫేక్ సర్టిఫికేట్ స్కామ్ నేపథ్యంలో తెరకెక్కిన ఇన్వెస్టిగేటివ్ థ్రిల్లర్ `అర్జున్ సురవరం`... శుక్రవారం (నవంబర్ 29) జనం ముందుకొచ్చిన సంగతి తెలిసిందే. తమిళ బ్లాక్ బస్టర్ `కణితన్` ఆధారంగా రూపొందిన ఈ యాక్షన్ డ్రామా... పలుమార్లు వాయిదా పడి.. ఎట్టకేలకు ఏడాదికిపైగా ఆలస్యంగా విడుదలకు నోచుకుంది. అయినప్పటికీ ఇంట్రెస్టింగ్ కాన్సెప్ట్ తో తెరకెక్కిన సినిమా కావడంతో... `అర్జున్ సురవరం`కి సర్వత్రా మంచి స్పందన వచ్చింది. కొన్ని ఏరియాల్లో థియేటర్ల సంఖ్యను పెంచడం చూస్తే... ఈ సినిమాకి రోజు రోజుకి క్రేజ్ పెరుగుతుందన్న విషయం స్పష్టమవుతోంది.
కంటెంట్ తో పాటు `అర్జున్ సురవరం`కి రెండు సెంటిమెంట్స్ కూడా భలేగా అచ్చొచ్చాయనే చెప్పాలి. అందులో ఒకటి హీరో నిఖిల్ కి ఉన్న నవంబర్ సెంటిమెంట్ కాగా.. మరొకటి లావణ్య త్రిపాఠి, `వెన్నెల` కిషోర్ కాంబినేషన్. గతంలో నిఖిల్ నటించిన `యువత`, `ఎక్కడికి పోతావు చిన్నవాడా` చిత్రాలు నవంబర్ నెలలో విడుదలై విజయం సాధించగా... ఇప్పుడా వరుసలో `అర్జున్ సురవరం` కూడా చేరింది. ఇక లావణ్య త్రిపాఠి హీరోయిన్ గా నటించిన సినిమాల్లో `వెన్నెల` కిషోర్ హాస్య పాత్రలు పోషించిన `భలే భలే మగాడివోయ్`, `సోగ్గాడే చిన్ని నాయనా` మంచి విజయం సాధించాయి. ఇప్పుడు ఈ జాబితాలో `అర్జున్ సురవరం` కూడా చేరింది. మొత్తానికి.. కంటెంట్ ప్లస్ సెంటిమెంట్స్ తో `అర్జున్ సురవరం` హిట్ స్టేటస్ కి చేరుకోవడం విశేషం.
వీడియోస్
00:25:59


