ఫెస్టివల్ సీజన్స్ లో పోలీస్ పవర్
Sankranti Festival Becomes Special Season For Cop Movie Releases
ఈ సారి క్రిస్మస్, సంక్రాంతి సీజన్స్ లో పలు ఆసక్తికరమైన చిత్రాలు బాక్సాఫీస్ వద్ద సందడి చేయనున్నాయి. క్రిస్మస్ సీజన్ లో నాలుగు చిత్రాలు (రూలర్, ప్రతి రోజూ పండగే, దబాంగ్ 3 (హిందీ డబ్బింగ్), ఇద్దరి లోకం ఒకటే)... సంక్రాంతి సీజన్ లో మరో నాలుగు సినిమాలు (దర్బార్, సరిలేరు నీకెవ్వరు, అల వైకుంఠపురములో, ఎంత మంచివాడవురా) ప్రేక్షకుల ముందుకు రానున్నాయి.
ఆసక్తికరమైన విషయమేమిటంటే... ఈ ఎనిమిదింటిలో మూడు సినిమాలు పోలీస్ స్టోరీలతో రూపొందినవే కావడం విశేషం. డిసెంబర్ 20న బాలకృష్ణ నటించిన `రూలర్` రిలీజ్ కానుండగా... అదే రోజున సల్మాన్ ఖాన్ హిందీ డబ్బింగ్ ఫిల్మ్ `దబాంగ్ 3` కూడా విడుదల కానుంది. ఇక సంక్రాంతి సీజన్ లో రజనీకాంత్ `దర్బార్` రాబోతోంది. మరి... ఈ మూడు కాప్ స్టోరీస్ లో దేనికి ప్రజాదరణ దక్కుతుందో చూడాలి.




