కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

చిరుతో మ‌రోసారి మ‌ణిశ‌ర్మ‌?

చిరుతో మ‌రోసారి మ‌ణిశ‌ర్మ‌?

Melody Brahma Mani Sharma Roped In For Chiranjeevi New Movie

మెగాస్టార్ చిరంజీవికి అచ్చొచ్చిన స్వ‌ర‌క‌ర్త‌లో మెలోడీ బ్ర‌హ్మ మ‌ణిశ‌ర్మ ఒక‌రు. వీరిద్ద‌రి క‌ల‌యిక‌లో వ‌చ్చిన ప‌లు చిత్రాలు ఘ‌న‌విజ‌యం సాధించాయి. `బావ‌గారూ బాగున్నారా?`, `చూడాల‌ని వుంది`(1998), ఇద్ద‌రు మిత్రులు (1999), అన్న‌య్య (2000), మృగ‌రాజు (2001), ఇంద్ర (2002), ఠాగూర్ (2003), అంజి (2004), జై చిరంజీవ‌! (2005), స్టాలిన్ (2006)... ఇలా వ‌రుస‌గా తొమ్మిదేళ్ళ పాటు ఈ ఇద్ద‌రి క‌ల‌యిక‌లో ప‌లు మ్యూజిక‌ల్ హిట్స్ వచ్చాయి.

క‌ట్ చేస్తే... 13 ఏళ్ళ సుదీర్ఘ విరామం త‌రువాత ఈ స‌క్సెస్‌ఫుల్ కాంబినేష‌న్ మ‌రోసారి జ‌ట్టుక‌ట్ట‌నుంద‌ట‌. ఆ వివ‌రాల్లోకి వెళితే... కొర‌టాల శివ ద‌ర్శ‌కత్వంలో చిరు ఓ మెసేజ్ ఓరియెంటెడ్ ఫిల్మ్ చేస్తున్న సంగ‌తి తెలిసిందే. ఈ సినిమా కోస‌మే మ‌ణి బాణీలు అందించ‌నున్నాడ‌ని టాక్‌. వాస్త‌వానికి, ఈ చిత్రానికి బాలీవుడ్ సంగీతద‌ర్శ‌క ద్వ‌యం అజ‌య్ - అతుల్ స్వ‌రాలు అందిస్తార‌ని ప్ర‌చారం సాగింది. అయితే... `చిరు 152` టీమ్ మ‌ణి వైపే మొగ్గు చూపిస్తుంద‌ట‌. రీసెంట్ బ్లాక్‌బ‌స్ట‌ర్ `ఇస్మార్ట్ శంక‌ర్‌`తో మ‌ణి బౌన్స్ బ్యాక్ కావ‌డమే కాకుండా... ఆ సినిమా విజ‌యంలో ముఖ్య భూమిక పోషించాడు. ఈ నేప‌థ్యంలోనే... మ‌ణిశ‌ర్మ అయితేనే బావుంటుంద‌ని చిత్ర బృందం భావిస్తుంద‌ట‌. అంతేకాదు... నేప‌థ్య సంగీతానికి స్కోప్ ఉన్న స‌బ్జెక్ట్ కావ‌డంతో, రీరికార్డింగ్ లో దిట్ట అయిన మ‌ణి అయితేనే జ‌స్టిస్ జ‌రుగుతుంద‌ని... ఈ వెట‌రన్ మ్యూజిక్ కంపోజ‌ర్ ని ఎంచుకున్నార‌ట‌. త్వ‌ర‌లోనే మ‌ణి ఎంట్రీపై క్లారిటీ వ‌స్తుంది.

కాగా... కొర‌టాల శివ గ‌త నాలుగు చిత్రాల‌కు దేవిశ్రీ ప్ర‌సాదే బాణీలు అందించాడు. శివ‌, మ‌ణి కాంబినేష‌న్ లో వ‌స్తున్న తొలి చిత్ర‌మిదే కావ‌డం విశేషం.

`చిరు 152`ని మెగాప‌వ‌ర్ స్టార్ రామ్ చ‌ర‌ణ్‌, నిరంజ‌న్ రెడ్డి సంయుక్తంగా నిర్మిస్తున్నారు.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్