వీఐ ఆనంద్ దర్శకత్వంలో రవితేజ 'డిస్కోరాజా' సినిమా చేస్తున్న సంగతి తెలిసిందే. సైంటిఫిక్ థ్రిల్లర్ గా తెరకెక్కుతున్న ఈ సినిమా షూటింగ్ చివరి దశకు చేరుకుంది. ప్రముఖ నిర్మాత రామ్ తళ్లూరి ఎస్ ఆర్ టి ఎంటర్టైన్మెంట్స్ పతాకం పై సినిమాను తెరకెక్కిస్తున్నారు.
ఇక ఈ సినిమా రిలీజ్ కాకముందే మరో సినిమాను లైన్ పెట్టాడు రవితేజ. గోపీచంద్ మలినేని దర్శకత్వంలో రవితేజ హీరోగా #RT66 సినిమా తెరకెక్కుతున్న సంగతి తెలిసిందే. ఈ విషయాన్ని ఇటీవలే అధికారికంగా ప్రకటించారు చిత్రయూనిట్. ఇక తాజాగా మరో అప్ డేట్ ఇచ్చారు. ఈ సినిమా ప్రారంభానికి ముహూర్తం ఫిక్స్ చేశారు. నవంబర్ 14వ తేదీన లాంఛనంగా పూజా కార్యక్రమాలతో ఈ సినిమాను ప్రారంభించనున్నారు.
కాగా ఠాగూర్ మధు నిర్మాణంలో ఈ సినిమా రూపొందుతుంది. బలుపు మూవీ లో రవితేజ కు జోడీ గా నటించిన శృతి హాసన్ ఆరు సంవత్సరాల తరువాత #RT66 మూవీ లో రవితేజ కు జోడీ గా నటిస్తుంది. థమన్ ఈ సినిమాకు సంగీతం అందిస్తున్నాడు.