కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

సల్మాన్ ఖాన్‌కి విల‌న్‌గా ‘ప్రేమిస్తే’ భరత్

సల్మాన్ ఖాన్‌కి విల‌న్‌గా ‘ప్రేమిస్తే’ భరత్

Bharath Plays Villain In Salman Khan Movie

`బాయ్స్‌`, `ప్రేమిస్తే` వంటి త‌మిళ అనువాద చిత్రాల‌తో తెలుగు ప్రేక్ష‌కుల‌కు చేరువైన క‌థానాయ‌కుడు భ‌ర‌త్‌. `యువ‌సేన‌`, `స్పైడ‌ర్‌` వంటి తెలుగు సినిమాల్లోనూ సంద‌డి చేసిన ఈ టాలెంటెడ్ యాక్ట‌ర్‌... ఆ మ‌ధ్య ‘జాక్‌పాట్’(2013) అనే హిందీ చిత్రంలోనూ మెరిశాడు. క‌ట్ చేస్తే... ఆరేళ్ళ త‌రువాత బాలీవుడ్‌లో మ‌రో సినిమాలో న‌టించ‌బోతున్నాడు భ‌ర‌త్‌. అయితే, ఈ సారి ఏకంగా బాలీవుడ్ కండ‌ల‌వీరుడు స‌ల్మాన్ ఖాన్‌కు విల‌న్‌గా క‌నిపించ‌బోతున్నాడు భ‌ర‌త్‌.

ఆ వివరాల్లోకి వెళితే... సల్మాన్ ఖాన్, టాలెంటెడ్ డైరెక్టర్ ప్రభుదేవా కాంబినేషన్‌లో ‘రాధే’ అనే చిత్రం తెరకెక్కుతున్న సంగతి తెలిసిందే. “యువర్ మోస్ట్ వాంటెడ్ భాయ్” అనే ట్యాగ్‌లైన్‌తో రూపొందుతున్న ఈ యాక్షన్ ఎంటర్‌టైనర్‌లో భరత్ ప్రతినాయకుడిగా నటించనున్నాడు. ఈ విషయాన్ని తన ట్విట్టర్ ఖాతా ద్వారా తెలియజేసిన భరత్... సల్మాన్ పక్కన నటించాలనే తన కల నిజమైందని... ఈ అవకాశం ఇచ్చిన ప్రభుదేవాకు కృతజ్ఞతలు అంటూ పేర్కొన్నాడు.

మరి... సూపర్ స్టార్ మహేష్ బాబు నటించిన ‘స్పైడ‌ర్‌’లో విలన్‌కి తమ్ముడిగా అల‌రించిన‌ భరత్... ఇప్పుడు పూర్తి తరహా ప్రతినాయకుడిగా ప్రేక్షకులను ఏ మేరకు రంజింప‌జేస్తాడో చూడాలి. 2020 ఈద్‌కి `రాధే` ప్రేక్ష‌కుల ముందుకు రానుంది.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్