కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

స్ట్రీమింగ్ లోకి సింగ్ గీతం

Sing Geetham Now Streaming on netflix
ఓటీటీ1 ని. చదువు

స్ట్రీమింగ్ లోకి సింగ్ గీతం

Sing Geetham Now Streaming on netflix

Sing Geetham Now Streaming on netflix
Netflixలో స్ట్రీమింగ్

తెలుగు సినీ పరిశ్రమలో ఎన్నో ప్రయోగాత్మక చిత్రాలను అందించిన దిగ్గజ దర్శకుడు సింగీతం శ్రీనివాసరావు 94 ఏళ్ల వయసులో తెరకెక్కించిన మ్యూజికల్ ఫాంటసీ చిత్రం 'సింగ్ గీతం'. ఇటీవల థియేటర్లలో విడుదలై విమర్శకుల ప్రశంసలు అందుకున్న ఈ చిత్రం, తాజాగా ఓటీటీ ప్రేక్షకులను అలరించేందుకు డిజిటల్ స్క్రీన్‌పైకి వచ్చేసింది.

వాస్తవానికి ఈ సినిమా జూలై 9 నుంచి ఓటీటీలో స్ట్రీమింగ్ కానుందని మేకర్స్ ప్రకటించినప్పటికీ, ప్రముఖ డిజిటల్ ప్లాట్‌ఫారమ్ నెట్‌ఫ్లిక్స్ ఒక రోజు ముందుగానే, అంటే ఈరోజు (జూలై 8) నుంచే ఈ చిత్రాన్ని అందుబాటులోకి తీసుకువచ్చింది. ప్రస్తుతం ఈ చిత్రం తెలుగు, తమిళం, హిందీ, కన్నడ మరియు మలయాళ భాషల్లో స్ట్రీమింగ్ అవుతోంది. థియేటర్లలో విడుదలైన కేవలం 26 రోజుల వ్యవధిలోనే ఈ ప్రయోగాత్మక చిత్రం ఓటీటీ బాట పట్టడం విశేషం.

ప్రముఖ దర్శకుడు నాగ్ అశ్విన్ వైజ‌యంతి మూవీస్ సమర్పణలో నిర్మించిన ఈ చిత్రం ద్వారా అహిల్యా బమ్రూ, అయాన్ హీరోహీరోయిన్లుగా తెలుగు తెరకు పరిచయమయ్యారు. శాలిని కొండేపూడి, తులసి శివమణి, బెనర్జీ, శివనారాయణ తదితరులు కీలక పాత్రలు పోషించగా.. రాహుల్ రవీంద్రన్, నివేదా పేతురాజ్, విజయ్ దేవరకొండ ప్రత్యేక అతిథి పాత్రల్లో మెరిశారు. రాక్‌స్టార్ దేవి శ్రీ ప్రసాద్ అందించిన అద్భుతమైన పాటలు, నేపథ్య సంగీతం ఈ చిత్రానికి ప్రధాన బలంగా నిలిచాయి. వినూత్నమైన కథ, ఫాంటసీ అంశాలతో కూడిన ఈ చిత్రం ఇప్పుడు ఓటీటీ ఆడియన్స్‌కు ఒక సరికొత్త అనుభూతిని ఇస్తోంది.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్