యాక్షన్ సీక్వెన్స్ తో #NTR 30 మూవీ ఫస్ట్ షెడ్యూల్ ప్రారంభం
NTR30 Movie Latest Updates

బ్లాక్ బస్టర్ ఆర్ఆర్ఆర్ మూవీలో గోండు వీరుడు కొమురం భీమ్ పాత్రలో అద్భుతంగా పెర్ఫార్మ్ చేసి ఎన్టీఆర్ ప్రేక్షకులను ఆకట్టుకున్నారు. ఎన్టీఆర్ ఆర్ట్స్, యువసుధ ఆర్ట్స్ బ్యానర్స్ పై కొరటాల శివ దర్శకత్వంలో ఎన్టీఆర్ హీరోగా తెరకెక్కనున్న #NTR30 మూవీ త్వరలో సెట్స్ పైకి వెళ్ళనుంది. ప్రముఖ ప్రొడక్షన్ డిజైనర్ సాబు సీరిల్ నేతృత్వం లో భారీ బడ్జెట్ తో తెరకెక్కనున్న ఈ మూవీకై సెట్స్ రూపొందుతున్నాయి.
#NTR 30 మూవీ షూటింగ్ ఈ నెలలోనే ప్రారంభం కానుందన్న విషయం తెలిసిందే. శంషాబాద్ లో ప్రత్యేకంగా రూపొందించిన సెట్ లో #NTR30 మూవీ ఫస్ట్ షెడ్యూల్ యాక్షన్ సీక్వెన్స్ తో ప్రారంభం కానుందనీ , తరువాత షెడ్యూల్ గోవా లో ప్రారంభం కానుందనీ , గోవా షెడ్యూల్ పలు కీలక సన్నివేశాలను దర్శకుడు కొరటాల తెరకెక్కించనున్నారనీ సమాచారం. బ్లాక్ బస్టర్ జనతా గ్యారేజ్ మూవీ తరువాత కొరటాల., ఎన్టీఆర్ కాంబినేషన్ లో తెరకెక్కనున్న #NTR30 మూవీపై భారీ అంచనాలు నెలకొన్నాయి. ఈ మూవీ తరువాత దర్శకుడు ప్రశాంత్ నీల్ దర్శకత్వంలో #NTR 31 మూవీ కి ఎన్టీఆర్ గ్రీన్ సిగ్నల్ ఇచ్చిన విషయం తెలిసిందే.






