టాలీవుడ్ కుర్రహీరో సంతోష్ శోభన్ కూడా హిట్ ఫ్లాప్స్ తో సంబంధం లేకుండా వరుస సినిమాలతో దూసుకుపోతున్నాడు. ఇటీవలే లైక్ షేర్ అండ్ సబ్ స్క్రైబర్ తో ప్రేక్షకుల ముందుకు రాగా అది మిశ్రమ ఫలితాన్నే అందించింది. ఇక ప్రస్తుతం మరో సినిమాను రిలీజ్ కు సిద్దం చేస్తున్నాడు. అనిల్ కుమార్ ఆళ్ల దర్శకత్వంలో సంతోష్ శోభన్ హీరోగా వస్తున్న సినిమా కళ్యాణం కమనీయం. ప్రస్తుతం ఈసినిమా షూటంగ్ ను ముగించుకునే పనిలో ఉంది. వచ్చే ఏడాది సంక్రాంతికి ఈ సినిమా థియేటర్లలోకి రాబోతోంది. పెళ్లి నేపథ్యంలో ఈసినిమా రూపొందించనున్నట్టు అర్థమవుతుంది. ఇక ఈసినిమా ప్రమోషన్స్ ను చిన్నగా స్టార్ట్ చేశారు మేకర్స్. ఇందులో భాగంగానే ఇప్పటికే రిలీజ్ అయిన పలు పోస్టర్లు బాగానే ఆకట్టుకున్నాయి.
ఇక తాజాగా ఈసినిమా ఫస్ట్ సాంగ్ ను రిలీజ్ చేశారు చిత్రబృందం. ఓ మనసా అనే వెడ్డింగ్ మెలోడియస్ పాటను నేడు రిలీజ్ రిలీజ్ చేశారు. శ్రావణ భరద్వాజ్, లలిత కావ్య ఈ పాటను ఆలపించగా.. కృష్ణ కాంత్ ఈపాటకు లిరిక్స్ అందించారు. మెలోడియస్ గా ఉన్న ఈపాట ఆకట్టుకుంటుంది.
U@UVConcepts_
A new journey begins, The Beautiful 'Wedding Melody' #OhManasa from #KalyanamKamaneeyam out now❤
కాగా ఈసినిమాలో ప్రియ భవానీ శంకర్ హీరోయిన్ గా నటిస్తుంది. యూవీ కాన్సెప్ట్స్ సంస్థ నిర్మిస్తోన్న ఈ సినిమాకు సినిమాటోగ్రఫీ కార్తీక్ ఘట్టమనేని, సంగీతం శ్రావణ్ భరద్వాజ్ అందిస్తున్నారు. సంక్రాంతి కానుకగా జనవరి 14న సినిమాను రిలీజ్ చేయనున్నారు.