వాల్తేరు వీరయ్య బాబీ సింహా ఫస్ట్ లుక్ పోస్టర్ రిలీజ్
Bobby Simha First Look from Waltair Veerayya Revealed

మైత్రీ మూవీ మేకర్స్ బ్యానర్ పై బాబీ (కె ఎస్ రవీంద్ర )దర్శకత్వంలో చిరంజీవి , శృతి హాసన్ జంటగా వాల్తేరు వీరయ్య మూవీ తెరకెక్కుతున్న విషయం తెలిసిందే.ఈ మూవీలో శృతి హాసన్ కథానాయిక . బిజూ మీనన్ , మాస్ మహారాజ రవితేజ కీలక పాత్రలలో నటిస్తున్న ఈ మూవీలో రాజేంద్రప్రసాద్, వెన్నెల కిషోర్, శ్రీనివాస్ రెడ్డి, సప్తగిరి, బాబీ సింహా ముఖ్య పాత్రలలో నటిస్తున్నారు. మెగా స్టార్ చిరంజీవి , శృతి హాసన్ ఫస్ట్ టైమ్ జంటగా తెరకెక్కుతున్న ఈ మూవీకి దేవిశ్రీ ప్రసాద్ సంగీతం అందిస్తున్నారు. మెగా స్టార్ చిరంజీవి ఒక పక్కా మాస్ క్యారెక్టర్ లో నటిస్తున్న ఈ మూవీ పోస్టర్స్ ప్రేక్షకులను ఆకట్టుకున్నాయి.
దీపావళి పండగ సందర్భంగా చిత్ర యూనిట్ రిలీజ్ చేసిన వాల్తేరు వీరయ్య మూవీ టైటిల్ టీజర్ ప్రేక్షక, అభిమానులను ఆకట్టుకుని సోషల్ మీడియాలో ట్రెండింగ్ గా మారింది.సంక్రాంతి కానుకగా వాల్తేరు వీరయ్య మూవీ రిలీజ్ కానుందని మేకర్స్ ప్రకటించడంతో ప్రస్తుతం ఈ మూవీ షూటింగ్ శరవేగంగా జరుగుతోంది.వాల్తేరు వీరయ్య మూవీ లో బాబీ సింహా సోలమన్ సీజర్ అనే పాత్రలో నటిస్తున్నారు. ఆదివారం ఆయన పుట్టిన రోజు. ఈ సందర్భంగా వాల్తేరు వీరయ్య చిత్ర యూనిట్ ఆయన ఫస్ట్లుక్ను విడుదల చేసి శుభాకాంక్షలు తెలిపింది. పూల చొక్కా టక్ చేసుకొని, బంగారు గొలుసులతో చలువ కళ్లద్దాలతో వింటేజ్ లుక్లో కనిపించిన బాబీ సింహా ఫస్ట్ లుక్ ప్రేక్షకులను ఆకట్టుకుంది.








