బాలీవుడ్ లో భారీ కలెక్షన్స్ తో దూసుకుపోతోన్న కాంతార
Kantara gets superb collections in Bollywood

హోంబలే ఫిల్మ్స్ బ్యానర్పై స్వీయ దర్శకత్వంలో కన్నడ స్టార్ హీరో రిషబ్ శెట్టి ప్రధాన పాత్రలో నటించిన కాంతార కన్నడ మూవీ సెప్టెంబర్ 30 వ తేదీ రిలీజ్ అయ్యి ఘనవిజయం సాధించి, ప్రపంచ వ్యాప్తంగా 150 కోట్లకు పైగా కలెక్షన్స్ తో దూసుకుపోతోంది. ఈ చిత్రంలో కిషోర్, అచ్యుత్ కుమార్, సప్తమి గౌడ, ప్రమోద్ శెట్టి కీలక పాత్రలలో నటించారు.బి .అజనీష్ లోకనాథ్ సంగీతం అందించారు. ఐఎండీబీలో అత్యధిక రేటింగ్ పొందిన భారతీయ చిత్రంగా నిలిచింది. యాక్షన్… థ్రిల్లర్ నేపథ్యంలో వచ్చిన ఈ సినిమా ఐఎండీబీ రేటింగ్ 9.6 సాధించి రికార్డు క్రియేట్ చేసింది. కాంతార మూవీ తెలుగు వెర్షన్ గీతా ఆర్ట్స్ ఫిల్మ్ డిస్ట్రిబ్యూషన్ సంస్థ ద్వారా అక్టోబర్ 15 వ తేదీ రిలీజ్ అయ్యి ఘనవిజయం సాధించి , భారీ కలెక్షన్స్ తో దూసుకుపోతోంది.
కాంతార హిందీ వెర్షన్ అక్టోబర్ 14 వ తేదీ రిలీజ్ అయ్యి బాలీవుడ్ ప్రేక్షకులను ఆకట్టుకుని అద్భుత స్పందన అందుకుంటుంది.సౌత్ మూవీస్ బాలీవుడ్ లో ఘనవిజయం సాధించి భారీ కలెక్షన్స్ అందుకుంటున్న విషయం తెలిసిందే. బాలీవుడ్ స్టార్ హీరోయిన్ కంగనా రనౌత్ కాంతార మూవీ పై ప్రశంసలు కురిపించారు. తాజాగా ఈ మూవీ హిందీ వెర్షన్ 15 కోట్లతో దూసుకుపోతోంది.







