ప్రతీ మనిషి లోనూ రాముడు ఉంటాడు - ప్రభాస్
Prabhas Superb Speech at Adipurush Teaser Launch

టి – సిరీస్ ,రెట్రో ఫైల్స్ బ్యానర్స్ పై సూపర్ హిట్ తానాజీ మూవీ ఫేమ్ ఓం రౌత్ దర్శకత్వంలో పాన్ ఇండియా స్టార్ ప్రభాస్ హీరోగా భారత చలన చిత్ర చరిత్ర లో అత్యధిక బడ్జెట్ తో, హాలీవుడ్ స్థాయి టెక్నాలజీ తో 3డి ఫార్మాట్ లో రామాయణం ఆధారంగా తెలుగు , హిందీ భాషలలో మైథలాజికల్ మూవీ గా తెరకెక్కుతున్న ఆదిపురుష్ మూవీ 2023 సంవత్సరం జనవరి 12వ తేదీ తెలుగు , హిందీ భాషలతో పాటు కన్నడ , తమిళ , మలయాళ భాష డబ్బింగ్ వెర్షన్స్ రిలీజ్ కానున్నాయి. హీరో ప్రభాస్ రాముడిగా నటిస్తున్న ఈ మూవీ లో సీతగా కృతి సనన్ , రావణుడిగా సైఫ్ అలీ ఖాన్ , లక్ష్మణుడిగా సన్నీసింగ్ నటిస్తున్నారు. హీరో ప్రభాస్ నటించిన ఫస్ట్ మైథలాజికల్ మూవీ ఆదిపురుష్ మూవీ ని పాన్ వరల్డ్ మూవీ గా రిలీజ్ చేయడానికి మేకర్స్ ప్లాన్ చేస్తున్నట్టు సమాచారం.
అక్టోబర్ 2వ తేదీ అయోధ్యలో ఆదిపురుష్ మూవీ టీజర్ రిలీజ్ ఈవెంట్ను మేకర్స్ గ్రాండ్గా నిర్వహించారు.ఈ ఈవెంట్ లో ప్రభాస్, కృతిసనన్, సైఫ్ అలీఖాన్, దర్శకుడు ఓంరౌత్తో పాటు చిత్ర యూనిట్ సభ్యులు పాల్గొన్నారు. అయోధ్య రాముడిని దర్శించుకున్న హీరో ప్రభాస్ ఆ వేడుకలో మాట్లాడుతూ .. రాముడి పాత్రలో నటించేందుకు మూడు రోజుల పాటు అంగీకరించలేదనీ , రాముడి పై తనకు ఉన్న భక్తి , భయమే తనను ఆదిపురుష్ మూవీ లో నటింపచేశాయనీ, ప్రతీ మనిషి లోనూ రాముడు ఉంటాడనీ చెప్పారు.







