
మెగా బ్యాక్ గ్రౌండ్ తో, మరోవైపు స్టైలిష్ స్టార్ అల్లుఅర్జున్ తమ్ముడిగా ఇండస్ట్రీలోకి అడుగుపెట్టాడు అల్లు శిరీష్. ఇక కెరీర్ మొదట్లో వరుస సినిమాలతో అలరించిన అల్లు శిరీష్ నుండి సినిమా వచ్చి చాలా కాలమే అయింది. కరోనా కారణంగా కాస్త లేట్ అయినా.. కరోనా ప్రభావం లేకపోయినా కూడా తన కొత్త సినిమా రిలీజ్ కు నోచుకోలేకపోయింది. అయితే ఫైనల్ గా ఎన్నో రోజుల నుండి పెండింగ్ లో ఉన్న సినిమా రిలీజ్ కు సిద్దమైంది. రాకేశ్ శశి దర్శకత్వంలో అల్లు శిరీష్ హీరోగా వస్తున్న సినిమా ఊర్వశివో రాక్షసివో. ఎందుకంటే ప్రేమంట సినిమా టైటిల్ ను మార్చారు. ఈసినిమా ఎప్పుడో షూటింగ్ ను పూర్తి చేసుకుంది. ప్రస్తుతం అయితే అన్ని కార్యక్రమాలు పూర్తిచేసుకొని రిలీజ్ కు సిద్దమవుతుంది. ఇక రిలీజ్ డేట్ ను కూడా రీసెంట్ గానే ప్రకటించారు. నవంబర్ 4వ తేదీన ఈసినిమా ప్రేక్షకుల ముందుకు రానుంది.
ఇక మరోవైపు ఈసినిమా ప్రమోషన్ కార్యక్రమాలు మళ్లీ స్టార్ట్ చేశారు. దీనిలో భాగంగానే తాజాగా ఈసినిమా టీజర్ ను రిలీజ్ చేశారు మేకర్స్. టీజర్ మాత్రం ఆకట్టుకుంటుంది. ముఖ్యంగా హీరో హీరోయిన్స్ మధ్య కెమస్ట్రీ యూత్ కు ఆకట్టుకునేలా ఉంది. రొమాంటిక్ ఎంటర్ టైనర్ జోనర్ కు తగ్గట్టుగా సన్నివేశాలు కూడా కాస్త బోల్డ్ గానే ఉన్నాయి. ఇక వెన్నెల కిషోర్, అలానే సునీల్ కామెడీకి ఈసినిమాకు ప్లస్ అయ్యేలా కనిపిస్తుంది. చూద్దాం సినిమా ఎలా ఉండబోతుందో..
కాగా రొమాంటిక్ ఎంటర్ టైనర్ గా వస్తున్న ఈసినిమాలో మల్లూ బ్యూటీ అను ఇమ్మాన్యుయేల్ హీరోయిన్ గా నటిస్తుంది. అల్లు అరవింద్ సమర్పణలో జీఏ2 పిక్చర్స్ బ్యానర్ పై బన్నీ వాస్ ఈ చిత్రాన్ని నిర్మిస్తున్నారు. శ్రీ తిరుమల ప్రొడక్షన్ ప్రైవేట్ లిమిటెడ్ సంస్థ కూడా నిర్మాణంలో భాగస్వాములుగా వ్యవహరిస్తున్నారు. ఈ చిత్రానికి అనూప్ రూబెన్స్, అచ్చు రాజమణి సంగీతాన్ని అందిస్తున్నారు. బాబు, ధీరజ్ మోగిలినేని సహా నిర్మాతలు. ఇక ఈసినిమాను నవంబర్ 4వ తేదీన ప్రేక్షకుల ముందుకు తీసుకురానున్నారు.







