కుర్ర హీరోలకు ఏమాత్రం తగ్గకుండా అగ్రహీరోలు కూడా సినిమాలు చేసుకుంటూ వెళిపోతున్నారు. అందులో మెగాస్టార్ చిరంజీవి ఇంకా స్పీడు మీదున్నాడు. రీసెంట్ గానే ఆచార్య సినిమాతో ప్రేక్షకుల ముందుకు వచ్చిన మెగాస్టార్ ఈ ఏడాదే మరో సినిమాను ప్రేక్షకుల ముందుకు తీసుకురానున్నాడు. చిరు ప్రస్తుతం అయితే మెహన్ రాజా తో గాడ్ ఫాదర్ చేస్తున్నాడు. ఈసినిమా ఇప్పటికే షూటింగ్ ను పూర్తిచేసుకొని పోస్ట్ ప్రొడక్షన్ పనులను జరుపుకుంటుంది. అలానే మెహర్ రమేష్ తో భోళా శంకర్ సినిమా చేస్తున్నాడు.
ఇంకా ఈరెండు సినిమాలతో పాటు బాబి తో మరో సినిమా చేస్తున్న సంగతి కూడా తెలిసిందే. బాబి దర్శకత్వంలో వస్తున్న సినిమాకు ఇంకా టైటిల్ ఫిక్స్ చేయలేదు. మెగా 154 అనే వర్కింగ్ టైటిల్ తోనే ఈసినిమా చిత్రీకరణ జరుపుకుంటుంది. ఇక ఈసినిమా కీ షెడ్యూల్ ను నేడు ప్రారంభించారు మేకర్స్. ఈవిషయాన్ని చిత్రనిర్మాణ సంస్థ అధికారికంగా తెలియచేసింది. హైద్రాబాద్ లో ప్రారంభమైన ఈషెడ్యూల్ చాలా రోజులు జరగనుందని.. ఈ షెడ్యూల్ లో టీమ్ అంతా పాల్గొంటారని తెలిపారు.
M@MythriOfficial
A key and lenghty schedule of #Mega154 has begun today in Hyderabad 🔥
కాగా ఈ సినిమాలో చిరంజీవి సరసన శృతి హాసన్ హీరోయిన్గా నటిస్తోంది. ఈసినిమాను బాబి మాస్ ఎంటర్ టైనర్ గా తెరకెక్కించబోతున్నాడు. ఈసినిమాను మైత్రీ మూవీ మేకర్స్ వారు నిర్మిస్తున్నారు. ఈ సినిమాకు దేవీ శ్రీ ప్రసాద్ సంగీతాన్ని అందిస్తున్నాడు.