క్షణం, గూఢచారి, ఎవరు చిత్రాలతో విలక్షణ నటుడిగా పేరుతెచ్చుకున్న అడివి శేష్ ఇప్పుడు ‘మేజర్’ అనే మరో సినిమాతో వస్తున్న సంగతి తెలిసిందే. 26/11 ముంబై దాడుల్లో తన ప్రాణాలను పణంగా పెట్టి ఎందరో ప్రాణాలను కాపాడిన ఎన్.ఎస్.జి కమెండో మేజర్ ఉన్నికృష్ణన్ జీవితం ఆధారంగా ఈసినిమా తెరకెక్కుతుంది. ఇక ఈసినిమా ప్రస్తుతం షూటింగ్ దశలో ఉంది. ఎప్పుడో పూర్తి కావాల్సిన షూటింగ్ కరోనా సెకండ్ వేవ్ వల్ల ఆగిపోయింది. ఇక ఇప్పుడు తాజాగా ఫైనల్ షెడ్యూల్ ను స్టార్ట్ చేశారు చిత్రయూనిట్. ఇక విషయాన్ని అడివి శేష్ తన ట్విట్టర్ ద్వారా తెలుపుతూ.. ఈసినిమాను థియేటర్లలో రిలీజ్ చేయాలని ఎంతో ఈగర్ గా వెయిట్ చేస్తున్నా.. కాశ్మిర్ నుంచి కన్యాకుమారి వరకు ప్రతి ఒక్కరి దగ్గరికి ఈ సినిమాని అందించాలని చాలా ఆసక్తిగా ఎదురు చూస్తున్నట్టు తెలిపాడు.
A@AdiviSesh
#MajorTheFilm FINAL schedule begins. :) Eager to bring this to you.
ఈ సినిమాలో శోభితా ధూళిపాళ్లతో పాటు సయీ మంజ్రేకర్ కూడా మరో కథానాయికగా నటిస్తుంది. ప్రకాష్ రాజ్, రేవతి, మురళి శర్మ ముఖ్య పాత్రల్లో నటిస్తున్నారు. మహేష్ హోమ్ బేనర్ జీఎంబీ ప్రొడక్షన్స్ సోనీ పిక్చర్స్తో కలిసి ఈ సినిమాను నిర్మిస్తున్నారు. ఈ సినిమాను తెలుగుతో పాటు హిందీలో కూడా రిలీజ్ చేయనున్నారు.