
రెమో ఫేమ్ బక్కియరాజ్ కణ్ణన్ దర్శకత్వంలో కార్తీ, రష్మిక హీరో హీరోయిన్స్ గా వస్తున్న సినిమా 'సుల్తాన్'. ఏప్రిల్ 2న ఈసినిమా రిలీజ్ కానుంది. ఈనేపథ్యంలో ప్రమోషన్ కార్యక్రమాల్లో బిజీగా ఉంది చిత్రయూనిట్. ఇప్పటికే ఈసినిమా నుండి టీజర్ ను రిలీజ్ చేశారు.
ఇప్పుడు తాజాగా ఈసినిమా ట్రైలర్ ను రిలీజ్ చేశారు చిత్రయూనిట్. ఇక ట్రైలర్ కూడా బాగానే ఆకట్టుకుంటుంది. 100 మంది రౌడీలు ఉన్న ఓ స్థానంలోకి కార్తి వెళ్తాడు. అక్కడ వాళ్లతో కలిసిపోయి.. వాళ్లను ఎలా కాపాడాడు అనేది కథ అని అర్థమవుతుంది. ‘రౌడీలయితే భయపడాలా..?’ అంటూ హీరోయిన్ చెప్పే డైలాగులు చూస్తుంటే రష్మిక రెబల్ అమ్మాయిగా కనిపించనున్నట్లు తెలుస్తోంది. ‘వందమంది రౌడీలను మేనేజ్ చేస్తున్నాను.. ఇది చూపులతోనే చంపేస్తుంది..’ అంటూ కార్తీ చెప్పే డైలాగులు కూడా ఆకట్టుకునేలా ఉన్నాయి.
డ్రీమ్ వారియర్స్ పిక్చర్స్ బ్యానర్పై ఎస్.ఆర్. ప్రకాష్ బాబు, ఎస్.ఆర్. ప్రభు నిర్మిస్తున్నారు. ఇక ఈ సినిమాకు సంగీతం వివేక్ మెర్విన్ అందిస్తుండగా.. ఎడిటింగ్: అంతొనీ, సినిమాటోగ్రఫీ: సత్యన్ సూర్యన్ గా పనిచేస్తున్నారు.







