వెంకటేష్, వరుణ్ తేజ్ హీరోలుగా అనిల్ రావిపూడి దర్శకత్వంలో తెరకెక్కిన చిత్రం 'ఎఫ్2'. గత ఏడాది సంక్రాంతి కానుకగా విడుదలైన ఈ సినిమా ఎంతటి సంచలన విజయం సాధించిందో ప్రత్యేకంగా చెప్పనక్కర్లేదు. ఇక ఈ సినిమా సీక్వెల్ ను కూడా అనిల్ రావిపూడి లైన్ లో పెట్టిన సంగతి తెలిసిందే. ప్రస్తుతం ఈ సినిమా షూటింగ్ ను జరుపుకుంటుంది.ఇప్పటికే వెంకటేష్ తో షూటింగ్ జరుపుతున్నాడు అనిల్.
ఇక తాజాగా ఈ సినిమా షూటింగ్ లో వరుణ్ కూడా జాయిన్ అయినట్టు తెలుస్తుంది. నిజానికి ముందే వరుణ్ షూటింగ్ లో పాల్గొనాలి. అయితే కరోనా వల్ల షూట్లో జాయిన్ కాలేకపోయారు. రీసెంట్గా కరోనా నుంచి కోలుకున్నాడు. కరోనా నుంచి కోలుకున్న వరుణ్ వెంటనే ఈ షూట్లోకి జాయిన్ అయ్యారు. ఈ విషయం తెలుపుతూ.. దర్శకుడు అనిల్ రావిపూడి ట్వీట్ చేశారు.
కాగా దిల్రాజు సమర్పణలో శ్రీవెంకటేశ్వర క్రియేషన్స్ పతాకంపై శిరీష్ ఈ చిత్రాన్ని నిర్మిస్తున్నారు. త్వరలో ఈ సినిమాను సెట్స్మీదకు తీసుకెళ్లనున్నారు. ఇక F2 నటించిన తమన్నా, మెహ్రిన్ లే ఈ సినిమాలో కూడా నటిస్తుండగా.. దేవి శ్రీ ప్రసాద్ సంగీతం అందిస్తున్నాడు. ఈ సినిమాలో నటించే ఇతర నటీనటుల వివరాలు త్వరలోనే తెలియచేయనున్నారు.