శేఖర్ కమ్ములకు పితృవియోగం

Director Sekhar Kammula's Father Passes Away

యాధృచ్చికమో లేక 2020 కు సినీ పరిశ్రమకు ఇచ్చిన శాపమో తెలియదు కానీ ఈ ఏడాది మాత్రం ఎంతో మంది సినీ నటీ నటులు.. కొంతమంది సెలబ్రిటీస్ కు మాతృ వియాగం.. కొంతమందికి పితృవియోగం చోటుచేసుకున్నాయి. తాజాగా మరో డైరెక్టర్ కు పితృ వియోగం కలిగింది. ఆ డైరెక్టర్ ఎవరో కాదు శేఖర్ కమ్ముల. శేఖర్ కమ్ముల తండ్రి శేషయ్య కమ్ముల మృతి చెందారు. గతకొద్ది కాలంగా అనారోగ్యంతో భాదపడుతున్న ఆయన ఈ ఉదయం ఆసుపత్రిలో కన్నుమూశారు. ఈ రోజు సాయంత్రం బన్సీలాల్ పేట స్మశాన వాటికలో అంత్యక్రియలు నిర్వహించనున్నారు. ఇక ఈ విషయం తెలిసిన సినీ ప్రముఖులు శేఖర్ కమ్ములతో పాటు ఆయన కుటుంబానికి ప్రగాఢ సంతాపం తెలియచేస్తున్నారు.

ఇక శేఖర్ కమ్ముల ప్రస్తుతం నాగచైతన్య, సాయి పల్లవి జంటగా “లవ్ స్టోరీ” అనే సినిమాను తెరకెక్కిస్తున్నారు. ఈ సినిమా షూటింగ్ కూడా ఇప్పటికే పూర్తయ్యింది. ఇక ఈ సినిమాను మొదట ఏప్రిల్ లోనే విడుదల చేయాలని భావించినప్పటికీ లాక్ డౌన్ కారణంగా వాయిదా పడింది. మరి ఫిదా తర్వాత శేఖర్ కమ్ముల-సాయి పల్లవి కాంబినేషన్ లో వస్తున్న సినిమా కావడంతో ఈ సినిమాపై భారీ అంచనాలే ఉన్నాయి. ప్రేక్షకులు సినిమా ఎప్పుడు విడుదల అవుతుందా అని ఎదురుచూస్తున్నారు. చూద్దాం మరి పరిస్థితులు ఎప్పుడు చక్కబడతాయో.. థియేటర్లు ఎప్పుడు ఓపెన్ అవుతాయో.. సినిమాలు ఎప్పుడు రిలీజ్ అవుతాయో..!

Subscribe to our Youtube Channel Telugu Filmnagar for the latest Tollywood updates.




Download the My Mango App for more amazing videos from the Tollywood industry.

LEAVE A REPLY

Please enter your comment!
Please enter your name here