తమిళ సూపర్ స్టార్ , తలపతి విజయ్ బర్త్ డే జూన్ 22 సందర్భంగా సినీ ప్రముఖులు , అభిమానుల శుభాకాంక్షలు సోషల్ మీడియా లో వెల్లు వెత్తాయి. తెలుగు , తమిళ , మలయాళ చిత్ర పరిశ్రమలలో సక్సెస్ ఫుల్ హీరోయిన్ గా కొనసాగుతున్న కీర్తి సురేష్ , విజయ్ కు వెరైటీ గా బర్త్ డే శుభాకాంక్షలు అందజేశారు.
దళపతి విజయ్ హీరోగా రూపొందిన యాక్షన్ థ్రిల్లర్ "మాస్టర్ " తమిళ మూవీ విడుదలకు సిద్ధంగా ఉంది. దక్షిణాది భాషలతో పాటు హిందీ భాష లో కూడా రిలీజ్ కానున్న ఈ మూవీ లోని "కుట్టి స్టోరీ " సాంగ్ ను వయోలిన్ ప్లే చేస్తున్న తన వీడియో ను కీర్తి ట్విట్టర్ లో షేర్ చేశారు. "జీవితం చాలా చిన్నది ఫ్రెండ్ , ఎల్లప్పుడూ ఆనందంగా ఉండండి, హ్యాపీ బర్త్ డే విజయ్ సార్ , మీ బర్త్ డే సందర్భంగా ఒక చిన్న వీడియో"అంటూ కీర్తి ట్వీట్ చేశారు. కీర్తి వయోలిన్ ప్లే చేస్తున్న వీడియో అభిమానులను ఆకట్టుకుని సోషల్ మీడియా లో వైరల్ గా మారింది.