అభిమానులకు రామ్ చరణ్ మనవి
Mega Power Star Ram Charan Appeal To Mega Fans Not To Celebrate His Birthday
కరోనా వైరస్ కారణంగా ప్రపంచవ్యాప్తం గా జన జీవనం అస్తవ్యస్తమయింది. కరోనా వైరస్ ప్రజలపై తీవ్ర ప్రభావం చూపుతుంది. ప్రపంచ ఆరోగ్య సంస్థ సూచనలు పాటించి కరోనా వైరస్ వ్యాప్తిని అరికట్టవచ్చు. జనసాంద్రత ఎక్కువగా ఉన్న ప్రదేశాలలో కరోనా వైరస్ వ్యాప్తికి అవకాశం ఉంది. ఇప్పటికే నిర్మాతలు మూవీ రిలీజ్ లు, షూటింగ్స్ రద్దుచేశారు. టాలీవుడ్ ప్రముఖులు ఎటువంటి వేడుకలు నిర్వహించరాదని నిర్ణయం తీసుకున్నారు.
మార్చి 27 వ తేదీ తన పుట్టినరోజు వేడుకలను విరమించు కోవాల్సిందిగా మెగా పవర్ స్టార్ రామ్ చరణ్ అభిమానులను కోరారు. జనసాంద్రత ఎక్కువగా ఉన్న ప్రదేశాలలో కరోనా వైరస్ ఎఫెక్ట్ ఉండే కారణం తో అభిమానులు గుంపులుగా చేరి ఎటువంటి కార్యక్రమాలు జరపరాదని రామ్ చరణ్ మనవి చేశారు. టాలీవుడ్ హీరోలు సూపర్ స్టార్ మహేష్ బాబు, యంగ్ టైగర్ ఎన్టీఆర్, యంగ్ రెబెల్ స్టార్ ప్రభాస్, మెగా పవర్ స్టార్ రామ్ చరణ్ కరోనా వైరస్ వ్యాధిని అరికట్టేలా ప్రజలను అప్రమత్తం చేశారు.







