`వకీల్ సాబ్`లో `అందాల రాక్షసి`?
Lavanya Tripathi To Play A Crucial Role In Vakeel Saab
పవర్ స్టార్ పవన్ కళ్యాణ్ ప్రధాన పాత్రలో నటిస్తున్న చిత్రం `వకీల్ సాబ్`. బాలీవుడ్ మూవీ`పింక్` ఆధారంగా రూపొందుతున్న ఈ ఎమోషనల్ కోర్ట్ డ్రామాని బోనీకపూర్ సమర్పణలో `దిల్` రాజు, శిరీష్ నిర్మిస్తున్నారు. `ఎంసీఏ` ఫేమ్ వేణు శ్రీరామ్ దర్శకత్వం వహిస్తున్నాడు. కాగా, ఈ చిత్రంలో నివేదా థామస్, అంజలి, అనన్య కీలక పాత్రల్లో నటిస్తుండగా... ఫ్లాష్ బ్యాక్ లో వచ్చే ఎపిసోడ్స్ లో మరో ఇద్దరు నాయికలు కనిపిస్తారట. అందులో ఒకరిగా శ్రుతి హాసన్ పేరు వినిపిస్తుండగా... మరొకరిగా `అందాల రాక్షసి` ఫేమ్ లావణ్య త్రిపాఠి దర్శనమివ్వనుందని సమాచారం. త్వరలోనే శ్రుతి, లావణ్య ఎంట్రీపై క్లారిటీ వస్తుంది.
యువ సంగీత సంచలనం థమన్ సంగీతమందిస్తున్న `వకీల్ సాబ్`... మే నెలలో వేసవి కానుకగా థియేటర్లలో సందడి చేయనుంది. స్వల్ప విరామం తరువాత పవన్ నటిస్తున్న సినిమా కావడంతో `వకీల్ సాబ్`పై మంచి అంచనాలే ఉన్నాయి.







