గత ఏడాది మెగాస్టార్ చిరంజీవి పాత టైటిల్స్ తో ఐదు కొత్త చిత్రాలు సందడి చేశాయి. అయితే, వాటిలో బ్లాక్ బస్టర్ గా నిలచిన చిత్రం మాత్రం `ఖైదీ` అనే చెప్పాలి. అలనాటి `ఖైదీ` (1983) చిరు కెరీర్ ని మేలిమలుపు తిప్పితే… ఈ నాటి `ఖైదీ` కష్టదశలో ఉన్న కార్తి కెరీర్ ని తిరిగి ట్రాక్ లోకి తీసుకువచ్చింది. ఈ నేపథ్యంలోనే… తనకు చిరు టైటిల్ కలసి రావడంతో వెనువెంటనే `దొంగ` టైటిల్ తో సందడి చేశాడు కార్తి. అయితే, `ఖైదీ` తరహాలో `దొంగ` మాత్రం మ్యాజిక్ చేయలేకపోయింది..
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఇదిలా ఉంటే… ఇప్పుడు `ఖైదీ` దర్శకుడు లోకేష్ కనకరాజ్ కూడా కార్తి బాటలోనే వెళుతున్నాడు. తన నెక్స్ట్ వెంచర్ కి కూడా మెగాస్టార్ టైటిల్ నే టార్గెట్ చేసుకున్నాడు. కోలీవుడ్ స్టార్ విజయ్ హీరోగా నటిస్తున్న చిత్రానికి `ఖైదీ` తరహాలోనే తమిళ, తెలుగు భాషల్లో ఒకే టైటిల్ ని ఎంచుకున్నాడు. ఆ టైటిలే… `మాస్టర్`. 1997లో మెగాస్టార్ కి కలిసొచ్చిన ఈ టైటిల్ విజయ్ కి కూడా అచ్చొస్తుందేమో చూడాలి. అలాగే… దర్శకుడు లోకేష్ ఖాతాలో `ఖైదీ` తరహాలోనే మరో బ్లాక్ బస్టర్ చేరుతుందేమో చూడాలి.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: