కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

శివాత్మికపై కృష్ణవంశీ ప్రశంసలు

శివాత్మికపై కృష్ణవంశీ ప్రశంసలు

Krishna Vamsi Hails Shivathmika

నానా పాటేకర్ హీరోగా నటించిన మరాఠీ మూవీ ‘నట సమ్రాట్’ సినిమాను తెలుగులో ‘రంగమార్తాండ’గా రీమేక్ చేస్తున్న సంగతి తెలిసిందే. కృష్ణవంశీ దర్శకత్వంలో ప్రకాశ్ రాజ్ ప్రధాన పాత్రలో ఈ సినిమా తెరకెక్కుతుంది.ప్రస్తుతం ఈ సినిమా షూటింగ్ ను జరుపుకుంటుంది.

ఇక ఈ సినిమాలో రాజశేఖర్‌ తనయ శివాత్మిక కూడా నటిస్తుంది. ‘దొరసాని’ చిత్రంతో తెలుగు తెరకు పరిచయమైన శివాత్మిక మొదటి సినిమాతోనే తన నటనతో మంచి పేరును తెచ్చుకుంది. ఇప్పుడు ఈ సినిమాలో శివాత్మిక ఓ కీలక పాత్రను పోషిస్తుంది. ఈ సందర్భంగా షూటింగ్‌ లొకేషన్‌లో తీసిన ఆమె ఫొటోను ట్విట్టర్‌ ద్వారా అభిమానులతో పంచుకున్నారు కృష్ణవంశీ. ‘నైపుణ్యం, చురుకుదనం, ప్రతిభాసంపత్తులు కలిగిన ఇద్దరూ లెజెండ్స్‌ కి కూతురైన శివాత్మికతో సినిమా చేయడం ఆనందంగా ఉంది’ అని తెలిపారు.

ఇంకా ఈ సినిమాలో రమ్యకృష్ణ, బ్రహ్మానందం ప్రధాన పాత్రలలో నటిస్తుండగా.. అనసూయ కూడా మరో కీలక పాత్రలో నటిస్తున్నట్టు తెలుస్తుంది. ఇక ‘అంతఃపురం’ సినిమాకు మ్యూజిక్ అందించిన ఇళయరాజా మరోసారి ఈ సినిమాకు సంగీతం అందించనున్నారు. చాలా ఏళ్ళ తరువాత ఇప్పుడు మ‌రోసారి వీరిద్ద‌రూ జ‌ట్టు క‌ట్టారు.

టాలీవుడ్‌లో క్రియేటివ్ దర్శకుడిగా పేరు తెచ్చుకున్న కృష్ణవంశీ.. గతకొద్ది కాలంగా ఒక్క హిట్ కూడా ఇవ్వలేకపోయిన సంగతి తెలిసిందే. ‘చందమామ’ తర్వాత ఆ స్థాయి హిట్టు ఇవ్వలేకపోయాడు. మరి ఈ సినిమాతో అయినా మళ్ళీ ఫామ్ లోకి వస్తాడేమో చూద్దాం.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్