`ప్రతి రోజూ పండగే`లో రాశీ ఖన్నా పాత్ర అదేనా?
Raashi Khanna Plays Unique Character In Prathi Roju Pandage
దర్శకుడు మారుతి సినిమాలకు ఓ ప్రత్యేకత ఉంటుంది. అదేమిటంటే... కథాంశం ఏదైనా, ఆయా చిత్రాల్లో కథానాయకులకు ఏదో ఒక బలహీనత (లేదా లోపం) కనిపిస్తుంటుంది. `భలే భలే మగాడివోయ్` నుంచి `మహానుభావుడు` వరకు ఈ ఫార్ములాని భలేగా అప్లయ్ చేశాడు మారుతి. కట్ చేస్తే... తన నెక్ట్స్ వెంచర్ `ప్రతి రోజూ పండగే`లోనూ దీన్ని కొనసాగించే పనిలో ఉన్నాడట మారుతి. అయితే... ఈ సారి హీరో పాత్రకి కాకుండా హీరోయిన్ క్యారెక్టర్ కోసం ఈ బలహీనతని డిజైన్ చేశాడట.
ఆ వివరాల్లోకి వెళితే... ప్రస్తుతం ఎక్కడ చూసినా `టిక్-టాక్` ట్రెండ్ నడుస్తున్న సంగతి తెలిసిందే. ఆ ట్రెండ్కి తగ్గట్టే...`టిక్-టాక్` వీడియోలతో సెలబ్రిటీ అయిపోవాలని కలలు కనే యువతిగా కథానాయిక పాత్రని తీర్చిదిద్దాడట మారుతి. కాన్సెప్ట్ ప్రకారం... సినిమా సీరియస్ సాగినా...`టిక్-టాక్` క్వీన్ గా రాశీ ఖన్నా చేసే సందడి మాత్రం మస్త్ ఎంటర్టైన్ చేస్తుందట. మరి... ఈ కొత్త తరహా పాత్రలో రాశి ఏ స్థాయిలో అలరిస్తుందో తెలియాలంటే... డిసెంబర్ 20 వరకు వేచిచూడాల్సిందే.





