ఇప్పటివరకు మాస్ మహారాజా రవితేజ క‌థానాయ‌కుడిగా నటించిన ఏ సినిమా కూడా త‌న బర్త్‌డే స్పెషల్ గా రిలీజ్ కాలేదు. అయితే, తొలిసారి ఆ క్రెడిట్‌తో అభిమానుల ముందుకు రానుంది ‘డిస్కోరాజా’.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఆ వివరాల్లోకి వెళితే… మాస్ మహారాజా రవితేజ, టాలెంటెడ్ డైరెక్టర్ వీఐ ఆనంద్ కాంబినేష‌న్‌లో ‘డిస్కో రాజా’ పేరుతో ఓ సైన్స్ ఫిక్ష‌న్ థ్రిల్ల‌ర్ తెర‌కెక్కుతున్న తెలిసిందే.. రామ్ తాళ్ళూరి నిర్మిస్తున్న ఈ క్రేజీ ప్రాజెక్ట్‌లో తండ్రీకొడుకులుగా రెండు విభిన్న పాత్ర‌ల్లో దర్శనమివ్వనున్నాడు రవితేజ. పాయల్ రాజ్‌పుత్, నభా నటేష్, తాన్యా హోప్ క‌థానాయికలుగా నటిస్తున్న ఈ పిరియాడిక‌ల్ మూవీకి థ‌మ‌న్ బాణీలు అందిస్తున్నాడు.
కాగా… ఈ చిత్రాన్ని జనవరి 24న విడుదల చేయనున్నట్టు చిత్ర బృందం ప్రకటించిన తెలిసిందే. అంటే… రవితేజ బ‌ర్త్ డే (జనవరి 26)కి రెండు రోజుల ముందు పుట్టిన‌రోజు కానుక‌గా `డిస్కో రాజా` రాబోతోంద‌న్న‌మాట. మ‌రి… రవితేజ కెరీర్‌లో ఫ‌స్ట్‌ బర్త్‌డే స్పెషల్ మూవీగా విడుదల కాబోతున్న ‘డిస్కోరాజా’… మాస్ మహారాజాకు మెమ‌రబుల్ రిజ‌ల్ట్‌ని అందిస్తుందేమో చూడాలి.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
