డెన్నీస్ జీవన్ దర్శకత్వంలో సందీప్ కిషన్ హీరోగా ‘A1 ఎక్స్ ప్రెస్’ సినిమా తెరకెక్కుతున్న సంగతి తెలిసిందే. ఇటీవలే పూజా కార్యక్రమాలు జరుపుకున్న ఈ సినిమా త్వరలో రెగ్యులర్ షూటింగుకి వెళ్లనుంది. ఇదిలా ఉండగా ఈ సినిమా తమిళ్ లో వచ్చిన ఓ సినిమా రీమేక్ అని తెలుస్తుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఇక ఈ సినిమా హాకీ నేపథ్యంలో సాగే సినిమా. ఇందులో సందీప్ హాకీ ప్లేయర్ గా నటిస్తున్నాడు. ఈ షూటింగ్ కోసం హైదరాబాద్ లోని ఒక పెద్ద స్టేడియం అద్దెకి తీసుకున్నారట. 22 మంది హాకీ ప్లేయర్ల తో సాగే గేమ్ కాబట్టి భారీ స్టేడియం నే బుక్ చేశారట. హాకీ నేపథ్యంలో వచ్చే సన్నివేశాలన్నింటినీ ఇక్కడే చిత్రీకరించనున్నారని సమాచారం. ఆ తరువాతనే ఇతర సన్నివేశాల కోసం వేరే లొకేషన్స్ కి వెళతారట. ఇదిలా ఉండగా ఈ సినిమాలో లావణ్య త్రిపాఠి హీరోయిన్ గా ఎంపికైనట్టు తెలుస్తుంది. తను కూడా ఇందులో లేడీ హాకీ ప్లేయర్ గా కనిపించనుంది. అలాగే ఈ చిత్రానికి హిప్ హాప్ తమిజ సంగీతం అందిస్తున్నారు. పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్, వెంకటాద్రి టాకీస్ పతాకాలపై టీజీ విశ్వప్రసాద్, అభిషేక్ అగర్వాల్, సందీప్ కిషన్, దయా పన్నెం ఈ చిత్రాన్ని నిర్మిస్తున్నారు.
కాగా సందీప్ కిషన్ చేసిన ‘తెనాలి రామకృష్ణ బీఏబీఎల్’ ఈ నెల 15వ తేదీన విడుదల కానుంది.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: