కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

బాలకృష్ణ చిత్రానికి అనిరుధ్ బాణీలు?

బాలకృష్ణ చిత్రానికి అనిరుధ్ బాణీలు?

Anirudh To Score Music For Balakrishna Movie

నటసింహా నందమూరి బాలకృష్ణ, యాక్షన్ మూవీస్ స్పెషలిస్ట్ బోయపాటి శ్రీనుది సక్సెస్‌ఫుల్ కాంబినేషన్. వీరి కలయికలో తెరకెక్కిన ‘సింహా’, ‘లెజెండ్’ చిత్రాలు బాక్సాఫీస్ వద్ద వసూళ్ళ వర్షం కురిపించాయి. అటువంటి విజయవంతమైన జోడీ నుంచి ఇప్పుడు ముచ్చటగా మూడో సినిమా రాబోతోంది. ఇందులో బాలయ్య రెండు షేడ్స్ ఉన్న‌ పాత్రలో దర్శనమివ్వబోతున్నాడని సమాచారం. ద్వారకా క్రియేషన్స్‌ పతాకంపై మిర్యాల రవీందర్ రెడ్డి నిర్మించనున్న ఈ క్రేజీ ప్రాజెక్ట్... డిసెంబర్ 20న పూజా కార్య‌క్ర‌మాల‌తో ప్రారంభమై, 2020 జనవరి నుంచి రెగ్యులర్ షూటింగ్ జరుపుకోనుంద‌ని టాక్‌.

ఇదిలా ఉంటే... ఈ సినిమాకి కోలీవుడ్ యంగ్ మ్యూజిక్ సెన్సేష‌న్‌ అనిరుధ్‌ రవిచందర్ స్వ‌రాలు సమకూర్చనున్నట్టు వార్త‌లు వినిపిస్తున్నాయి. ఇప్ప‌టికే ‘అజ్ఞాతవాసి, ‘జెర్సీ’, ‘గ్యాంగ్ లీడర్’ వంటి తెలుగు చిత్రాలకు అనిరుధ్ బాణీలు అందించిన సంగతి తెలిసిందే. త‌మిళ‌నాట మాస్ ఎంట‌ర్‌టైన‌ర్స్‌కు పెట్టింది పేరైన అనిరుధ్‌... టాలీవుడ్‌లో చేయ‌నున్న తొలి మాస్ చిత్రం బాల‌య్య‌, బోయ‌పాటి మూవీ కానుండ‌డం విశేషం. కాగా... అనిరుధ్ ఎంట్రీపై త్వరలోనే అధికారిక ప్రకటన వెలువడే అవ‌కాశ‌ముంది.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్