డ్యాన్స్ బేస్డ్ ఫిల్మ్లో యన్టీఆర్?
Jr Ntr and KGF Director Prashanth Neel Movie Updates

ఈ తరం కథానాయకుల్లో ఆల్ రౌండర్గా పేరు తెచ్చుకున్నాడు యంగ్ టైగర్ యన్టీఆర్. నటనలోనే కాదు నర్తనంలోనూ తనదైన శైలితో అలరిస్తూ ముందుకు సాగుతున్నాడు తారక్. తొలి చిత్రం నుంచి నృత్యాల్లో తనదైన ముద్ర వేస్తున్నప్పటికీ... ఇప్పటివరకు ఈ నందమూరి హీరో కంప్లీట్ డ్యాన్స్ బేస్డ్ ఫిల్మ్ చేయనేలేదు. అయితే... ఆ లోటు త్వరలోనే తీరనుందని సమాచారం.
ఆ వివరాల్లోకి వెళితే... `కేజీఎఫ్` ఫేమ్ ప్రశాంత్ నీల్ దర్శకత్వంలో యన్టీఆర్ ఓ సినిమా చేయనున్నాడని గత కొద్దిరోజులుగా వార్తలు వినిపిస్తున్న సంగతి తెలిసిందే. మైత్రీ మూవీ మేకర్స్ సంస్థ నిర్మించనున్న ఈ సినిమా... తారక్ నటిస్తున్న `ఆర్ ఆర్ ఆర్`, ప్రశాంత్ దర్శకత్వం వహిస్తున్న `కేజీఎఫ్ 2` చిత్రాలు పూర్తయ్యాక పట్టాలెక్కనుందని టాక్. కాగా... డ్యాన్స్ బేస్డ్ మూవీ సాగే ఈ సినిమాలో తారక్ క్లాసికల్ డాన్సర్గా కనిపిస్తాడని అంటున్నారు. అదే గనుక నిజమైతే... తారక్ అభిమానులకు ఇది ఆనందాన్నిచ్చే విషయమే. త్వరలోనే ఈ చిత్రంపై ఫుల్ క్లారిటీ వస్తుంది.









