కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

యూత్ టార్గెట్ గా రోమాంచకం … ట్రైలర్ రిలీజ్

యూత్ టార్గెట్ గా రోమాంచకం … ట్రైలర్ రిలీజ్

Romanchakam Trailer Released

'మేమ్ ఫేమస్' ఫేమ్ సుమంత్ ప్రభాస్ హీరోగా నటించిన యూత్‌ఫుల్ లవ్ అండ్ రొమాంటిక్ థ్రిల్లర్ 'రోమాంచకం' మూవీ అఫిషియల్ ట్రైలర్ విడుదల అయింది. అగ్ర దర్శకుడు సందీప్ రెడ్డి వంగా సమర్పణలో భద్రకాళి పిక్చర్స్ బ్యానర్‌పై ప్రణయ్ రెడ్డి వంగా ఈ చిత్రాన్ని నిర్మిస్తున్నారు. ఈ సినిమా ద్వారా వేణుగోపాల్ రెడ్డి దర్శకుడిగా పరిచయమవుతున్నారు.

ఆధునిక కాలంలో ఉండే డేటింగ్ యాప్స్, నేటి యూత్ రిలేషన్‌షిప్స్ ఆధారంగా సాగే వినోదాత్మక కథతో ఈ చిత్రాన్ని తెరకెక్కించినట్లు విడుదలైన ట్రైలర్ స్పష్టం చేస్తోంది. హీరో సుమంత్ ప్రభాస్ తనదైన తెలంగాణ యాసతో, మార్క్ కామెడీ అండ్ ఎనర్జిటిక్ టైమింగ్‌తో ఈ ట్రైలర్‌లో ప్రత్యేక ఆకర్షణగా నిలిచారు. మొదట ఎంతో క్యూట్‌గా సాగే లవ్ స్టోరీ కాస్తా, ఆ తర్వాత అనూహ్య మలుపులు, ఇంటెన్స్ డ్రామాతో ఎలా థ్రిల్లింగ్‌గా మారిందో మేకర్స్ ఇందులో చూపించారు.

సుమంత్ ప్రభాస్ సరసన అనంతిక సనిల్‌కుమార్ కథానాయికగా నటించగా, వాసుకి వైభవ్ ఈ చిత్రానికి సంగీతాన్ని సమకూర్చారు. సంచలన దర్శకుడు సందీప్ రెడ్డి వంగా ప్రెజెన్సి ఉండటంతో ఈ సినిమాపై బాక్సాఫీస్ వద్ద మంచి హైప్ నెలకొంది. అన్ని కార్యక్రమాలు పూర్తి చేసుకున్న ఈ 'రోమాంచకం' చిత్రం సెప్టెంబర్ 3న ప్రపంచవ్యాప్తంగా గ్రాండ్‌గా థియేటర్లలో విడుదల కానుంది.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్