హీరో విశ్వక్ సేన్ కు బాలకృష్ణ బ్లెస్సింగ్స్
Nandamuri Balakrishna Blessed Vishwak Sen

వన్మయే క్రియేషన్స్, విశ్వక్సేన్ సినిమాస్ బ్యానర్స్ పై విశ్వక్ సేన్ స్వీయ దర్శకత్వంలో విశ్వక్ సేన్, నివేత పేతురాజ్ జంటగా తెరకెక్కిన ధమ్కీ మూవీ మార్చి 22న ప్రపంచవ్యాప్తంగా పాన్ ఇండియా మూవీగా రిలీజ్ కానుంది. ఈ సినిమాలో రావు రమేష్, హైపర్ ఆది, రోహిణి, పృథ్వీరాజ్ ఇతర పాత్రల్లో నటించారు. లియోన్ జేమ్స్ సంగీతం అందించారు. చిత్ర యూనిట్ రిలీజ్ చేసిన పోస్టర్స్, టీజర్, సాంగ్స్, ట్రైలర్ 1.0 , 2.0 ట్రైలర్ ప్రేక్షకులనుఆకట్టుకున్నాయి.
నందమూరి నటసింహం బాలకృష్ణ ప్రస్తుతం కెరీర్ పరంగా మంచి విజయాలతో కొనసాగుతున్నారు. ఇప్పటికే అఖండ, అలానే తాజాగా వీరసింహారెడ్డి వంటి రెండు భారీ సక్సెస్ లు ఆయన దక్కించుకున్నారు. ప్రస్తుతం అనిల్ రావిపూడితో తన కెరీర్ 108వ మూవీ చేస్తున్నారుఇటీవల ధమ్కీ ట్రైలర్ ని రిలీజ్ చేసి టీమ్ ని విష్ చేసిన బాలకృష్ణ మరొక్కసారి విశ్వక్ సేన్ ని కలిసి తన బ్లెస్సింగ్స్ అందించారు. పాన్ ఇండియన్ రేంజ్ లో రూపొందిన ఈ మూవీ రెండు ట్రైలర్స్ తాను చూశాననీ , ఎంతో బాగున్నాయనీ , తప్పకుండా ధమ్కీ మూవీ పెద్ద సక్సెస్ అందుకోవాలని కోరుతూ టీమ్ ని బాలకృష్ణ బ్లెస్ చేశారు.







