ఆడియన్స్ కు హీరో కిరణ్ అబ్బవరం స్పెషల్ థ్యాంక్స్
Kiran Abbavaram thanks audience for their love and support

అల్లు అరవింద్ సమర్పణలో గీతా ఆర్ట్స్ 2 బ్యానర్పై మురళీ కృష్ణ అబ్బూరు దర్శకత్వంలో కిరణ్ అబ్బవరం, కశ్మీర పరదేశి జంటగా తెరకెక్కిన వినరో భాగ్యము విష్ణు కథ మూవీ ఫిబ్రవరి 18వ తేదీ రిలీజ్ అయ్యి ఘనవిజయం సాధించి భారీ కలెక్షన్స్ తో ప్రదర్శించబడుతుంది. విష్ణు పాత్రలో కిరణ్ అబ్బవరం తన ఈజ్ యాక్టింగ్ తో అండ్ సెటిల్డ్ పెర్ఫార్మెన్స్ తో ప్రేక్షకులను ఆకట్టుకున్నారు. ఈ మూవీ లో శుభలేఖ సుధాకర్ , మురళీ శర్మ, ప్రవీణ్, ఎల్ బి శ్రీరామ్ ముఖ్య పాత్రలలో నటించారు. ఈ మూవీకి చైతన్ భరద్వాజ్ సంగీతం అందించారు.
వినరో భాగ్యము విష్ణు కథ మూవీ విశేష ప్రేక్షకాదరణతో 10 రోజుల్లో ప్రపంచవ్యాప్తంగా 11. 07 కోట్లు రాబట్టింది. తమ సినిమా సక్సెస్ పై కిరణ్ అబ్బవరం ప్రత్యేకంగా ఆడియన్స్ కి ఒక స్పెషల్ థాంక్స్ నోట్ రిలీజ్ చేశారు . వినరో భాగ్యము విష్ణు కథ సినిమాలో విష్ణు పాత్ర ద్వారా మీకు మరింతగా చేరువైనందుకు ఆనందంగా ఉందనీ , ముఖ్యంగా మా సినిమాని ఇంతగా ఆదరించిన ప్రేక్షకులకి అలానే మీడియా వారికి మా మూవీ టీమ్ కి ప్రత్యేక ధన్యవాధాలనీ , ఇకపై మరింత పాజిటివ్ గా హార్డ్ వర్క్ చేస్తూ మరిన్ని సినిమాలతో మీ ముందుకు వస్తాననీ అంటూ కిరణ్ అబ్బవరం తన పోస్ట్ లో తెలిపారు.








