సెన్సార్ పూర్తిచేసుకున్న పాప్ కార్న్
Popcorn Movie Clears Censor Formalities

ఈమధ్య హీరోయిన్లు గా నిర్మాణ రంగంలోకి అడుగుపెడుతున్నారు. తమ అదృష్టాన్ని నిర్మాణరంగంలో కూడా పరీక్షించుకుంటున్నారు. ఇక ఇప్పుడు అతి తక్కువ కాలంలోనే నిర్మాణ రంగంలోకి అడుగుపెట్టిన హీరోయిన్ అవికా గోర్. సాయి రోనక్, అవికా గోర్ హీరో హీరోయిన్లుగా వస్తున్న సినిమా పాప్ కార్న్. లిఫ్ట్ నేపథ్యంలో ఈసినిమా రాబోతుంది. ఈసినిమా ఫిబ్రవరి 10వ తేదీన ప్రేక్షకుల ముందుకు రానున్న నేపథ్యంలో ఈసినిమా ప్రమోషన్ కార్యక్రమాల్లో బిజీగా ఉంది. ఇప్పటికే ఈసినిమా నుండి రిలీజ్ అయిన టీజర్, ట్రైలర్ అన్నీ సినిమాపై అంచనాలను పెంచేసింది. ఇక తాజాగా ఈసినిమా సెన్సార్ కార్యక్రమాలు కూడా పూర్తిచేసుకొని రిలీజ్ కు సిద్దమైంది. సెన్సార్ బృందం ఈసినిమాకు యూఏ సర్టిఫికెట్ ను అందించారు.

కాగా మురళి గంధం దర్శకత్వం వహిస్తున్న ఈసినిమాను ఎం.ఎస్.చలపతి రాజు సమర్పణలో ఆచార్య క్రియేషన్స్, అవికా స్క్రీన్ క్రియేషన్స్ బ్యానర్స్పై బోగేంద్ర గుప్తా ఈ సినిమాను నిర్మిస్తున్నారు. ఈ సినిమాతో అవికా గోర్ నిర్మాతగా కూడా మారుతోంది. శ్రావణ్ భరద్వాజ్ సంగీతాన్ని అందిస్తున్నారు. ఈసినిమాని ఫిబ్రవరి 10న ప్రేక్షకుల ముందుకు తీసుకురానున్నారు.







