అమిగోస్ ట్రైలర్ కు సూపర్ రెస్పాన్స్
Kalyan Rams Amigos Movie Trailer Gets Super Response

ఈమధ్య కళ్యాణ్ రామ్ కూడా తన రూట్ మార్చి కొత్త ప్రయోగాలు చేయడానికి ముందుకొస్తున్నాడు. అలా ఇటీవలే బింబిసార సినిమాతో సూపర్ హిట్ ను అందుకున్నాడు. పీరియాడికల్ సినిమాగా వచ్చిన ఈసినిమాలో కళ్యాణ్ రామ్ డిఫరెంట్ పాత్రలో అలరించాడు. ఇక ఇప్పుడు మరో డిఫరెంట్ కథతో రాబోతున్నాడు. ప్రస్తుతం రాజేందర్ రెడ్డి దర్శకత్వంలో కళ్యాణ్ రామ్ హీరోగా వస్తున్న సినిమా అమిగోస్. ఇక బింబిసార సినిమాలో రెండు పాత్రలతో అలరించాడు కళ్యాణ్ రామ్.. ఈసినిమాల్లో ఏకంగా మూడు పాత్రలతో ప్రేక్షకుల ముందుకు వస్తున్నాడు. ఈసినిమాపై కూడా భారీ అంచనాలే ఉన్నాయి.
ప్రస్తుతం అయితే చిత్రయూనిట్ ప్రమోషన్ కార్యక్రమాలతో బిజీగా ఉంది. ఇప్పటికే ఈసినిమా నుండి రిలీజ్ అయిన ప్రతి అప్ డేట్ సినిమాపై అంచనాలను పెంచేసింది. ఇక రీసెంట్ గానే ఈసినిమాను ట్రైలర్ ను రిలీజ్ చేసిన సంగతి తెలిసిందే కదా. ట్రైలర్ కు కూడా బ్లాక్ బస్టర్ రెస్పాన్స్ వస్తోంది. ఈ చిత్రం ట్రైలర్ 10 మిలియన్స్ కి పైగా వ్యూస్ ను సాధించి యూ ట్యూబ్ లో దూసుకు పోతుంది. మరి చూద్దాం ఈసినిమా ఎలాంటి విజయాన్ని అందిస్తుందో..
కాగా ఈసినిమాలో హీరోయిన్ గా కన్నడ బ్యూటీ ఆషిక రంగనాథ్ చేస్తుంది. ఈసినిమాతో తెలుగు తెరకి ఆషిక రంగనాథ్ పరిచయమవుతోంది. ఇంకా ఈసినిమాలో ఇంకా బ్రహ్మాజి, సప్తగిరి, రవి ప్రకాష్, శివన్నారాయణ, చైతన్య కృష్ణ, రఘు కారుమంచి, కళ్యాణి నటరాజన్, రాజశ్రీ నాయర్, సోనాక్షి వర్మ తదితరులు నటిస్తున్నారు. మైత్రి మూవీ మేకర్స్ బ్యానర్ పై ఈసినిమాను నిర్మిస్తున్నారు. జిబ్రాన్ సంగీతం అందిస్తోన్న ఈ చిత్రానికి ఎస్.సౌందర్ రాజన్ సినిమాటోగ్రాఫర్గా పనిచేస్తున్నారు. ఫిబ్రవరి 10వ తేదీన ఈసినిమా ప్రేక్షకుల ముందుకు రానుంది.








